புதுடில்லி:‘பியூச்சர் ரீடெய்ல் – அமேசான்’ வழக்கை விசாரிக்க, சிங்கப்பூர் சர்வதேச மத்தியஸ்த தீர்ப்பாயத்திற்கு விதிக்கப்பட்ட தடையை உச்ச நீதிமன்றம் நீக்கியுள்ளது.
கிஷோர் பியானியின் பியூச்சர் ரீடெய்ல் நிறுவனத்தை, முகேஷ் அம்பானியின், ‘ரிலையன்ஸ்’ குழுமம், 24 ஆயிரத்து 500 கோடி ரூபாய்க்கு கையகப்படுத்த ஒப்பந்தம் செய்தது.இதை எதிர்த்து அமேசான் இந்தியா நிறுவனம், சிங்கப்பூர் சர்வதேச மத்தியஸ்த தீர்ப்பாயத்தில் வழக்கு தொடர்ந்து சாதகமான தீர்ப்பை பெற்றது.
இதை எதிர்த்து பியூச்சர் ரீடெய்ல் தாக்கல் செய்த மனுவை விசாரித்த டில்லி உயர் நீதிமன்றம், மத்தியஸ்த தீர்ப்பாயத்தின் உத்தரவுக்கு தடை விதித்தது. இதை நீக்கக் கோரி அமேசான் தாக்கல் செய்த மனு, உச்ச நீதிமன்ற தலைமை நீதிபதி என்.வி.ரமணா தலைமையிலான அமர்வு முன் விசாரணைக்கு வந்தது.
அப்போது அமர்வு பிறப்பித்த உத்தரவு:பியூச்சர் – அமேசான் வழக்கு தொடர்பான மத்தியஸ்த நடவடிக்கைகளை, சிங்கப்பூர் சர்வதேச மத்தியஸ்த நீதிமன்றம் துவக்க அனுமதிக்கப் படுகிறது. பியூச்சர் குழுமம், மத்தியஸ்தம் மற்றும் நல்லிணக்க சட்டத்தின் கீழ் தாக்கல் செய்த மனுவை, சிங்கப்பூர் தீர்ப்பாயம் விசாரிக்க வேண்டும். அந்த சட்டத்தின் கீழ், இந்த வழக்கு தொடர்பான மேல்நடவடிக்கைகள் தேவையற்றது அல்லது தொடர முடியாது என தீர்ப்பாயம் கருதினால், உரிய உத்தரவு பிறப்பிக்கலாம். இவ்வாறு உத்தரவில் கூறப்பட்டுள்ளது.

இதனிடையே, வாடகை செலுத்தாத பியூச்சர் ரீடெய்ல் நிறுவனத்தின், ‘பிக் பஜார்’ கடைகளை ரிலையன்ஸ் கையகப்படுத்தி வருகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 06,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 06,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 06,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 06,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 06,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்