பதிவு செய்த நாள்
22 ஏப்2022
23:59
மும்பை-பண்டிகைகளை கொண் டாட தனிநபர் கடன் வாங்கும் போக்கு, இந்தியா வில் அதிகரித்திருப்பது, ஆய்வு ஒன்றின் வாயிலாக தெரியவந்துள்ளது.
உலகளவில் சிக்கனத்துக்கும், சேமிப்புக்கும் பெயர் பெற்ற இந்தியர்களின் மனநிலையில், அண்மைக்காலத்தில் மாற்றங்கள் ஏற்பட்டுஉள்ளது.கடன் குறித்த தகவல்களை வழங்கி வரும், 'கிரிப் ஹை மார்க்' நிறுவனம் மேற்கொண்ட ஆய்வில் இது தெரியவந்துள்ளது.இது குறித்து ஆய்வறிக்கையில் தெரிவிக்கப்பட்டு உள்ளதாவது:
இந்தியாவில் பண்டிகைகளை கொண்டாட, தனிநபர் கடன் வாங்கும் போக்கு அதிகரித்துள்ளது. கடந்த ஆண்டு பண்டிகை காலத்தில் வாங்கப்பட்ட கடன்களின் அளவு, முந்தைய மூன்று ஆண்டுகளுக்கு முந்தைய கடன் அளவை விட, இருமடங்கு அதிகரித்து உள்ளது.தனிநபர் கடன்கடந்த 2021ம் ஆண்டு டிசம்பர் காலாண்டில் மட்டும், 1.47 லட்சம் கோடி ரூபாய் தனிநபர் கடனாக பெறப்பட்டுள்ளது.
இதுவே 2018ல் இதே காலாண்டில் கடன் அளவு 75 ஆயிரம் கோடி ரூபாயாக இருந்தது குறிப்பிடத்தக்கது.மற்ற அடமான கடன்களை போல இல்லாமல், தனிநபர் கடன்களுக்கு வங்கிகள் அதிக வட்டி வசூலித்த போதிலும்; இத்தகைய கடனை வாங்கும் மனநிலை மக்களிடம் அதிகரித்து உள்ளது.அதுமட்டுமின்றி; வாங்கிய கடனை கட்டாமல் போய்விடுவதும், தனிநபர் கடன் பிரிவில் தான் அதிகம் உள்ளது.கடந்த மூன்று ஆண்டுகளில், தனியார் துறை நிறுவனங்களை விட, அரசுக்கு சொந்தமான வங்கிகள், அதிக எண்ணிக்கையிலான கடன்களை வழங்கி உள்ளன என்பதும் குறிப்பிடத்தக்கதாகும்.
இருப்பினும், கடன் தொகையை கொண்டு பார்க்கும்போது, பொதுத்துறை வங்கிகளை விட, தனியார் துறை வங்கிகள் மற்றும் வங்கி சாரா நிதி நிறுவனங்கள் அதிக அளவில் கடன் தொகையை வழங்கி உள்ளன.கடந்த டிசம்பர் மாதத்துடன் முடிவடைந்த காலாண்டில், இரு சக்கர வாகனங்களுக்கான கடன் தேவை, சரிவை கண்டுஉள்ளது.
பிற வாகன கடனில், பெரிய அளவிலான மாற்றம் இன்றி தொடர்கிறது.40 சதவீதம்ஆனால், வீட்டுக் கடன் 40 சதவீதம் அளவுக்கு அதிகரித்துள்ளது. கடந்த டிசம்பர் காலாண்டில் மட்டும் 1.93 லட்சம் கோடி ரூபாய் அளவுக்கு, வீட்டுக் கடன் வழங்கப்பட்டு உள்ளது.
நுகர்பொருட்களுக்கான கடன் 32 சதவீதம் அதிகரித்துள்ளது.இவ்வாறு ஆய்வறிக்கை யில் தெரிவிக்கப்பட்டு உள்ளது.மற்ற அடமான கடன்களை போல இல்லாமல், தனிநபர் கடன்களுக்கு வங்கிகள் அதிக வட்டி வசூலித்த போதிலும்; இத்தகைய கடனை வாங்கும் மனநிலை மக்களிடம் அதிகரித்து உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|