பதிவு செய்த நாள்
05 மே2022
21:10
புதிய பதவியில் சுதர்ஷன் வேணு
‘டி.வி.எஸ்., மோட்டார்’ நிறுவனத்தின் நிர்வாக இயக்குனராக, சுதர்ஷன் வேணு நியமிக்கப்பட்டுள்ளார் என்றும்; அவர் உடனடியாக இந்த பொறுப்பை ஏற்பதாகவும் அறிவிக்கப்பட்டு உள்ளது.சுதர்ஷன் வேணு, டி.வி.எஸ்., மோட்டார் நிறுவனத்தின் கவுரவ தலைவரான வேணு சீனிவாசனின் மகன் ஆவார்.
விற்றதுக்கு வருந்தும் அதிகாரி
‘வாட்ஸ்ஆப்’ நிறுவனத்தை, ‘பேஸ்புக்’ நிறுவனத்துக்கு விற்றது குறித்து வருந்தி பதிவிட்டிருக்கிறார் 2018ம் ஆண்டு வரை, வாட்ஸ்ஆப் தலைமை வணிக அதிகாரியாக இருந்த, நீரஜ் அரோரா.விற்பனை குறித்த பேரத்தில் முக்கிய பங்கு வகித்த அரோரா, வாட்ஸ்ஆப், பேஸ்புக்கின் ஓர் அங்கமாக மாறியதற்கு தான் மட்டுமின்றி; பலரும் வருந்துவதாக குறிப்பிட்டுள்ளார்.
ஞாயிறு அன்றும் விண்ணப்பிக்கலாம்
எல்.ஐ.சி., பங்குகளை வாங்குவதற்காக, சனிக்கிழமை மட்டுமின்றி; ஞாயிறு அன்றும் விண்ணப்பிக்கலாம் என அறிவிக்கப்பட்டு உள்ளது. பங்கு வெளியீட்டின் இரண்டாவது நாளான நேற்றைய நிலவரப்படி, 100 சதவீதம் விண்ணப்பிக்கப்பட்டு உள்ளது.
கரூர் வைஸ்யாவுக்கு விருது
கரூர் வைஸ்யா வங்கி, ‘குறு, சிறு, நடுத்தர நிறுவனங்களுக்கு உகந்த சிறந்த வங்கி’ மற்றும் ‘சிறந்த புதுமையான வங்கி’ ஆகிய பிரிவில் இரண்டு விருதுகளை பெற்றுள்ளது.இவ்விருதை, டில்லியில், மத்திய அமைச்சர் நாராயண் ரானே, வங்கியின் பொது மேலாளர் அன்புராஜிடம் வழங்கி சிறப்பித்தார்.
கிளைகளை குறைக்கும் வங்கி
பொதுத்துறையை சேர்ந்த ‘சென்ட்ரல் பேங்க் ஆப் இந்தியா’, அதன் நிதி நிலையை வலுவாக்கும் வகையில், 13 சதவீத கிளைகளை மூடிவிட முடிவு செய்துள்ளதாக தெரிகிறது.இவ்வங்கி, சில கிளைகளை மூடிவிடுவது அல்லது, இணைப்பது போன்ற நடவடிக்கைகளின் வாயிலாக, கிளைகளின் எண்ணிக்கையை, 600 ஆக குறைக்க திட்டமிட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|