பதிவு செய்த நாள்
14 ஜூன்2022
07:01
புதுடில்லி : நாட்டின் சில்லரை விலை பணவீக்கம், கடந்த மே மாதத்தில், 7.04 சதவீதமாக சற்று குறைந்துள்ளது என, மத்திய புள்ளியியல் அலுவலகம் தெரிவித்துள்ளது.கடந்த ஏப்ரல் மாதத்தில், சில்லரை விலை பணவீக்கம் 7.79 சதவீதமாக இருந்த நிலையில், மே மாதத்தில் 7.04 சதவீதமாக சற்று குறைந்துள்ளது.
இருப்பினும், இது ரிசர்வ் வங்கி பராமரிக்க வேண்டிய இலக்கான 6 சதவீதத்தை விட அதிகமாக இருக்கிறது. கடந்த ஆண்டு மே மாதத்தில், பணவீக்கம் 6.3 சதவீதமாக இருந்தது.கடந்த மே மாதத்தில், உணவு பொருட்கள் பணவீக்கம் 7.97 சதவீதமாக உயர்வை கண்டுள்ளது. இருப்பினும், இது முந்தைய மாத 8.31 சதவீதத்தை விட குறைவு தான்.ரிசர்வ் வங்கி, நடப்பு நிதியாண்டின் முதல் காலாண்டில் பணவீக்கம் 7.5 சதவீதமாகவும்; அடுத்து வரும் காலாண்டில் 7.4 சதவீதமாகவும் இருக்கும் என கணித்து அறிவித்துள்ளது.
வங்கிகளுக்கான ‘ரெப்போ’ வட்டி விகிதத்தை முடிவு செய்வதற்கு, ரிசர்வ் வங்கி, சில்லரை விலை பணவீக்கத்தை அடிப்படையாக எடுத்துக் கொள்கிறது என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|