புதுடில்லி:சென்ற ஆகஸ்ட் மாதத்தில், நாட்டில் உள்ள முக்கிய துறைமுகங்கள் கையாண்ட சரக்கு, 1.52 சதவீதம் வளர்ச்சி கண்டு, 4,91,93,000 கோடி டன்னாக அதிகரித்துள்ளது.இது, கடந்தாண்டின் இதே மாதத்தில், 4,84,56,000 கோடி டன்னாக இருந்தது என, இந்திய துறைமுகங்கள் கூட்டமைப்பு வெளியிட்டுள்ள தற்காலிக புள்ளிவிவரத்தில் தெரிவிக்கப்பட்டுள்ளது.
வீழ்ச்சி:அதில் மேலும் கூறப்பட்டுள்ளதாவது:உள்நாட்டில், 13 முக்கிய துறைமுகங்கள் உள்ளன. இதில், 9 துறைமுகங்கள் கையாண்ட சரக்கின் அளவு அதிகரித்தும், 4 துறைமுகங்கள் கையாண்ட சரக்கின் அளவு சரிவடைந்தும் உள்ளன.தமிழகத்தில் உள்ள மூன்று பெரிய துறைமுகங்களுள், சென்னை துறைமுகம் கையாண்ட சரக்கின் அளவு, நடப்பாண்டு ஆகஸ்ட் மாதத்தில், 6.87 சதவீதம் சரிவடைந்து, 43.14 லட்சம் டன்னாக வீழ்ச்சி கண்டுள்ளது. இது, கடந்தாண்டின் இதே மாதத்தில், 46.32 லட்சம் டன்னாக உயர்ந்து காணப்பட்டது.
அதேசமயம், வ.உ.சிதம்பரனார் துறைமுகம் கையாண்ட சரக்கின் அளவு, 5.08 சதவீதம் வளர்ச்சி கண்டு, 25.18 லட்சம் டன்னிலிருந்து, 26.46 லட்சம் டன்னாக அதிகரித்துள்ளது.மேலும், காமராஜர் துறைமுகம் (முன்பு எண்ணுார்) கையாண்ட சரக்கும், 2.28 சதவீதம் அதிகரித்து, 23.21 லட்சம் டன்னிலிருந்து, 23.74 லட்சம் டன்னாக வளர்ச்சி கண்டுள்ளது.கோல்கட்டாவில் உள்ள, கோல்கட்டா டாக் சிஸ்டம்ஸ் துறைமுகம் கையாண்ட சரக்கு, 12.74 சதவீதம் வளர்ச்சி கண்டு, 10.62 லட்சம் டன்னாகவும், மற்றும் ஹால்டியா டாக் காம்ப்ளக்ஸ் கையாண்ட சரக்கு, 1.65 சதவீதம் உயர்ந்து, 25.20 லட்சம் டன்னாகவும் அதிகரித்துள்ளன.மதிப்பீட்டு மாதத்தில் பாரதீப் துறைமுகம் கையாண்ட சரக்கு, 3.33 சதவீதம் உயர்ந்து, 59.14 லட்சம் டன்னிலிருந்து, 61.11 லட்சம் டன்னாக வளர்ச்சி கண்டுள்ளது.
உயர்வு:இதே போன்று, விசாகப்பட்டினம் துறைமுகம் கையாண்ட சரக்கின் அளவும், 3.25 சதவீதம் அதிகரித்து, 49.18 லட்சம் டன்னிலிருந்து, 50.78 லட்சம் டன்னாக உயர்ந்துள்ளது.மேலும், கொச்சி துறைமுகம் கையாண்ட சரக்கின் அளவும், 17.15 சதவீதம் உயர்ந்து, 19.48 லட்சம் டன்னிலிருந்து, 22.82 லட்சம் டன்னாக வளர்ச்சி கண்டுள்ளது. அதேசமயம், நியூமங்களூர் துறைமுகம் கையாண்ட சரக்கு, 6.40 சதவீதம் குறைந்து, 28.76 லட்சம் டன்னிலிருந்து, 26.92 லட்சம் டன்னாக சரிவடைந்துள்ளது.
கணக்கீட்டு மாதத்தில்...:கணக்கீட்டு மாதத்தில், மர்மகோவா துறைமுகம் கையாண்ட சரக்கு, 6.79 சதவீதம் உயர்ந்து, 8.40 லட்சம் டன்னிலிருந்து, 8.97 லட்சம் டன்னாகவும், மும்பை துறைமுகம் கையாண்ட சரக்கின் அளவு, 5.26 சதவீதம் அதிகரித்து, 52.65 லட்சம் டன்னாகவும் வளர்ச்சி கண்டுள்ளன.அதேசமயம், ஜவகர்லால் நேரு போர்ட் டிரஸ்ட் கையாண்ட சரக்கு, 1.49 சதவீதம் வீழ்ச்சி கண்டு, 53.75 லட்சம் டன்னிலிருந்து, 52.95 லட்சம் டன்னாகவும், கண்ட்லா துறைமுகம் கையாண்ட சரக்கின் அளவு, 0.39 சதவீதம் குறைந்து, 86.91 லட்சம் டன்னிலிருந்து, 86.57 லட்சம் டன்னாகவும் சரிவடைந்துள்ளன.இவ்வாறு புள்ளிவிவரத்தில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 15,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 15,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 15,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 15,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 15,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்