பதிவு செய்த நாள்
22 செப்2014
00:08
மெல்போர்ன்:கடந்த 2013ம் ஆண்டில், ஆஸ்திரேலிய நிறுவனங்கள், இந்தியாவில் மேற்கொண்ட முதலீடு, 657 கோடி டாலராக (39,420 கோடி ரூபாய்) வளர்ச்சி கண்டுள்ளது.
இது, கடந்த 2012ம் ஆண்டில் மேற்கொண்ட முதலீட்டை(578 கோடி டாலர்/34,680 கோடி ரூபாய்) காட்டிலும், 13.7 சதவீதம் அதிகம் என, ஆஸ்திரேலிய வெளிநாட்டு விவகார மற்றும் வர்த்தக துறை (டி.எப்.ஏ.டி.,) தெரிவித்துள்ளது.
அதேசமயம், இந்திய நிறுவனங்கள், ஆஸ்திரேலியாவில் மேற்கொண்ட முதலீடு, 1.3 சதவீதம் சரிவை கண்டுள்ளது.இதன்படி, கடந்த 2012ம் ஆண்டில், 1,100 கோடி டாலராக இருந்த இந்திய நிறுவனங்களின் முதலீடு, 1,086 கோடி டாலராக குறைந்துள்ளது என, டி.எப்.ஏ.டி., மேலும் தெரிவித்துள்ளது.
குஜராத்தை சேர்ந்த அதானி குழுமம் மற்றும் ஆந்திராவை சேர்ந்த ஜி.வி.கே., குழும நிறுவனங்கள், ஆஸ்திரேலியாவில், வேளாண், சுரங்கம், கட்டுமானம், தயாரிப்பு மற்றும் தொலைத்தொடர்பு போன்ற துறைகளில் அதிகளவில் முதலீட்டை மேற்கொண்டுள்ளன.கடந்த ஆண்டில், இருநாடுகளுக்கிடையிலான பரஸ்பர வர்த்தகம், 14 சதவீதம் சரிவை கண்டு, 1,521 கோடி டாலராக சரிவடைந்துள்ளது.
இது, கடந்த 2012ம் ஆண்டில், 1,767 கோடி டாலராக அதிகரித்து காணப்பட்டது.எனவே, பரஸ்பர வர்த்தகத்தை மேம்படுத்தும் வகையில், இருநாடுகளுக்கிடையிலான வர்த்தக உறவுகளை எளிமைப்படுத்துவது மற்றும் முதலீடுகளை அதிகரிப்பது தொடர்பாக, பல்வேறு நடவடிக்கைகள் எடுக்கப்பட்டு வருகின்றன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|