பதிவு செய்த நாள்
01 ஜூன்2016
07:42
புதுடில்லி : சுவிட்சர்லாந்தைச் சேர்ந்த, ‘ஐ.எம்.டி., வேர்ல்டு காம்பெட்டிவ்னெஸ் சென்டர்’ நிறுவனம் வெளியிட்டுள்ள, இந்தாண்டின், போட்டிமிக்க பொருளாதார வளர்ச்சிக்கான சூழல் நிலவும் நாடுகள் பட்டியலில், இந்தியா, 41வது இடத்திற்கு முன்னேறியுள்ளது. கடந்த, 2015ல், இந்தியா, 44வது இடத்தில் இருந்தது.
ஒரு நாட்டின் பொருளாதார வளர்ச்சி, அரசின் செயல்பாடு, சுலபமாக வர்த்தகம் புரிவதற்கான சூழல், அடிப்படை கட்டமைப்பு வசதிகள் ஆகிய நான்கு அம்சங்களுடன், 5,400 நிறுவன உயரதிகாரிகள், தங்கள் நாடுகளின் நிலை குறித்து கூறிய கருத்துக்களின் அடிப்படையில், ஐ.எம்.டி., பட்டியல் தயாரிக்கப்பட்டுள்ளது.
7 அம்சங்கள்அதன் விவரம்: இந்தியா ஏழு அம்சங்களில் சிறப்பான முன்னேற்றம் கண்டு உள்ளது. டாலருக்கு நிகரான ரூபாய் மதிப்பில், அதிக ஏற்ற, இறக்கம் இல்லாதது, நடப்பு கணக்கு பற்றாக்குறையை குறைத்திருப்பது, நிதிப் பற்றாக்குறையை கட்டுக்குள் வைத்திருப்பது ஆகிய அம்சங்களில், இந்தியாவின் செயல்பாடு சிறப்பாக உள்ளது. அரசு நிர்வாகத்தில் லஞ்சம், ஊழல் ஆகியவை குறைந்து உள்ளன. வரி ஏய்ப்பு செய்வோர் மீதான நடவடிக்கை தீவிரப்படுத்தப்பட்டுள்ளது. அதிகாரத்தை பரவலாக்கும் முயற்சிகள் மேற்கொள்ளப்பட்டுள்ளன. சுலபமாக தொழில் புரிவதற்கான சூழல் உருவாக்கப்பட்டுள்ளது, இதன் காரணமாக, இந்தியா, குறிப்பிடத்தக்க முன்னேற்றம் கண்டு வருகிறது.
வியாபாரச் சூழல் மேம்பட்டு வருவதால், இப்பிரிவில், 2015ல், 33வது இடத்தில் இருந்த இந்தியா, இந்தாண்டு, 31வது இடத்திற்குமுன்னேறியுள்ளது. அதுபோல, வேலைவாய்ப்பில், 9ல் இருந்து, 5வது இடத்தை பிடித்துள்ளது.பொது மற்றும் தனியார் நிர்வாக நடைமுறைகளில், 47வது இடத்தில் இருந்து, 36 ஆகவும், நிறுவனங்களின் செயல்திட்டம் மற்றும் மதிப்பு உயர்வில், 23ல் இருந்து, 18ஆகவும் முன்னேற்றம் கண்டுள்ளது. மேற்கு மற்றும் ஐரோப்பிய நாடுகள் பலவற்றை விட, இந்திய பொருளாதாரம் சிறப்பாக செயல்பட்டு, 16வது இடத்திற்கு முன்னேறியுள்ளது. அன்னிய முதலீடுகளில், 31வது இடத்தில் இருந்து, 9வது இடத்திற்கு சிறப்பான முன்னேற்றம் கண்டுஉள்ளது.
விலைவாசிஇருந்தபோதிலும், இதே காலத்தில்,இந்தியா, நிதி செயல்பாடுகளில், 27வது இடத்தில் இருந்து, 33வது இடத்திற்குதள்ளப்பட்டுள்ளது.அதுபோல, விலைவாசியில், 37வது இடத்தில் இருந்து, 55வது இடத்திற்கும், அடிப்படை கட்டமைப்பு வசதியில், 53ல் இருந்து, 58வது இடத்திற்கும் சரிவடைந்து உள்ளது. எனினும், போட்டிமிக்க பொருளாதார சூழலை உருவாக்குவதற்கான அரசு கொள்கைகள் மற்றும் நிர்வாகச் செயல்பாடுகளில், இந்தியா, 47வது இடத்திற்கு முன்னேறியுள்ளது. இவ்வாறு அறிக்கையில் கூறப்பட்டுள்ளது.
‘டாப் 10’ நாடுகள்ஹாங்காங்சுவிட்சர்லாந்துஅமெரிக்காசிங்கப்பூர்சுவீடன்டென்மார்க்அயர்லாந்துநெதர்லாந்துநார்வேகனடா
மேலும் பொது செய்திகள்
|
Advertisement
|
Advertisement
|
Advertisement
|
|
|
|