பதிவு செய்த நாள்
02 ஜூலை2016
08:27
புதுடில்லி : ‘மாருதி சுசூகி’ நிறுவனத்தின் கார்கள் விற்பனை, கடந்த ஜூன் மாதத்தில் குறைந்துள்ளது. இந்தியாவில், கார் உற்பத்தியில், மாருதி சுசூகி இந்தியா நிறுவனம், முன்னணியில் உள்ளது. இந்த நிறுவனம், கடந்த ஜூன் மாதம், 92 ஆயிரத்து, 133 கார்களை விற்பனை செய்து உள்ளது. இது, 2015ம் ஆண்டின், இதே மாதத்தில், 1.02 லட்சம் என்றளவில் இருந்தது. சிறிய வகையைச் சேர்ந்த, ‘ஆல்டோ, வேகன் ஆர்’ கார்களின் விற்பனை, 34 ஆயிரத்து, 336 என்ற எண்ணிக்கையில் இருந்து, 27 ஆயிரத்து, 712 ஆகக் குறைந்துள்ளது. ‘ஸ்விப்ட், செலிரியோ’ போன்ற, ‘காம்பேக்ட்’ கார் விற்பனை, 45 ஆயிரத்து, 701ல் இருந்து, 39 ஆயிரத்து, 971 ஆகக் குறைந்துள்ளது. ‘செடான்’ வகையைச் சேர்ந்த, ‘டிஸையர் டூர்’ மாடல் கார்கள் விற்பனை, 2,893ல் இருந்து, 2,068 ஆகவும்; ‘சியாஸ்’ மாடல் கார் விற்பனை, 3,700ல் இருந்து, 2,800 ஆகவும் குறைந்துள்ளது. அதேசமயம், எஸ்.யூ.வி., வகையைச் சேர்ந்த கார் விற்பனை, 75 சதவீதம் உயர்ந்து, 5,531ல் இருந்து, 9,708 ஆக அதிகரித்து உள்ளது. உற்பத்தியில் ஏற்பட்ட பாதிப்பே விற்பனை வீழ்ச்சிக்கு காரணம் என்கிறது மாருதி நிறுவனம்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|