பதிவு செய்த நாள்
02 ஜூலை2016
08:32
புதுடில்லி : கடந்த மே மாதம், நாட்டின் முக்கிய எட்டு துறைகளின் வளர்ச்சி, முந்தைய ஐந்து மாதங்களில் இல்லாத அளவிற்கு, 2.8 சதவீதமாக சரிவடைந்துள்ளது.
கச்சா எண்ணெய், நிலக்கரி, இயற்கை எரிவாயு, பெட்ரோலிய சுத்திகரிப்பு பொருட்கள், உரங்கள், உருக்கு, சிமென்ட், மின்சாரம் ஆகியவை, முக்கிய எட்டு துறைகளாக குறிப்பிடப்படுகின்றன.
பின்னடைவுஇவை, நாட்டின் தொழில்துறை உற்பத்தியை கணக்கிடுவதில், 38 சதவீத பங்களிப்பை கொண்டுள்ளன. கடந்த மே மாதம், முக்கிய எட்டு துறைகளின் வளர்ச்சி, 2.8 சதவீதமாக சரிவடைந்துள்ளது. இது, முந்தைய ஏப்ரல் மாதத்தில், நான்கு ஆண்டுகள் காணாத வகையில், 8.5 சதவீதமாக உயர்ந்து இருந்தது. கடந்த மே மாதம், கச்சா எண்ணெய் உற்பத்தி வளர்ச்சி, மைனஸ், 3.3 சதவீதமாக குறைந்துள்ளது. அதுபோல, இயற்கை எரிவாயு உற்பத்தி வளர்ச்சியும், மைனஸ், 6.9 சதவீதமாக பின்னடைவை கண்டுள்ளது. கடந்த ஆண்டு, இதே மாதத்தில், கச்சா எண்ணெய் உற்பத்தி வளர்ச்சி, 0.8 சதவீதம் என்ற அளவில், உயர்ந்து காணப்பட்டது. எனினும், இயற்கை எரிவாயு உற்பத்தி வளர்ச்சி மைனஸ் 3 சதவீதம் என்ற அளவில் பின்னடைவைக் கண்டிருந்தது.
இந்தாண்டு, மே மாதம், பெட்ரோலிய சுத்திகரிப்பு பொருட்கள், சிமென்ட், மின்சாரம் ஆகியவற்றின் உற்பத்தி வளர்ச்சி, முறையே, 1.2 சதவீதம், 2.4 சதவீதம் மற்றும், 4.6 சதவீதம் என்ற அளவில் இருந்தது.கடந்த 2015, மே மாதம், பெட்ரோலிய சுத்திகரிப்பு பொருட்கள், சிமென்ட், மின்சாரம் ஆகிய மூன்று துறைகளின் உற்பத்தி வளர்ச்சி, முறையே, 7.8 சதவீதம், 2.7 சதவீதம் மற்றும், 6 சதவீதம் என்ற அளவில் உயர்ந்து காணப்பட்டது. கடந்த மே மாதம், நிலக்கரி உற்பத்தி வளர்ச்சி, 5.5 சதவீதமாக இருந்தது. இது, கடந்த ஆண்டு, இதே மாதத்தில், 7.6 சதவீதம் என்ற அளவில் அதிகமாக இருந்தது.
வளர்ச்சிகடந்த ஆண்டு, மே மாதத்துடன் ஒப்பிடும்போது, இந்தாண்டு அதே மாதத்தில், உரங்கள், உருக்கு ஆகிய இரு துறைகள் மட்டுமே, உற்பத்தியில் வளர்ச்சி கண்டுள்ளன. உரங்கள் உற்பத்தி, 14.8 சதவீதமாகவும், உருக்கு உற்பத்தி, 3.2 சதவீதம் என்ற அளவிலும், வளர்ச்சி கண்டுள்ளன. நடப்பு, 2016 – 17ம் நிதியாண்டில், ஏப்., – மே மாதங்களில், முக்கிய எட்டு துறைகளின் வளர்ச்சி, 5.5 சதவீதமாக இருந்தது. இது, கடந்த நிதியாண்டின் இதே காலத்தில், 2.1 சதவீதமாக இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|