பதிவு செய்த நாள்
08 டிச2016
01:22
மும்பை : ‘உள்நாட்டு வைரச் சந்தையில், ஐரோப்பா மற்றும் ஜப்பானை விஞ்சி, இந்தியா மூன்றாவது இடத்தை பிடிக்கும்’ என, பெய்ன் அண்ட் கம்பெனி ஆய்வறிக்கை தெரிவிக்கிறது.அதன் விபரம்:இந்தியாவில், நகர்ப்புறங்கள் வேகமாக விரிவடைந்து வருகின்றன. அதற்கேற்ப, தனிநபர் வருவாய் அதிகரித்து, நடுத்தர மக்களின் செலவழிப்பு திறன் உயர்ந்துள்ளது.மேலைநாகரிகத்தை பின்பற்றி, திருமண நிச்சயதார்த்த விழாக்களில், வைர மோதிரம் மாற்றிக் கொள்ளும் நடைமுறை பரவலாகி வருகிறது. இது போன்ற காரணங்களால், வைரங்கள் மற்றும் வைர நகை துறை, சிறப்பாக வளர்ச்சி கண்டு வருகிறது.இந்தியாவில், புதிய தலைமுறை பணக்காரர்கள் தரமான, உயர்மதிப்புள்ள பொருட்களை பரிசளிப்பதை கவுரவமாக கருதுகின்றனர்.இத்தகையோர், வைர நகைகளுக்கு முன்னுரிமை அளிக்கின்றனர். வைர நகை விற்பனையில், இவர்களின் பங்கு, குறிப்பிடத்தக்க அளவிற்கு உள்ளது. கடந்த, 2015 நிலவரப்படி, இந்தியா, சீனா, அமெரிக்கா ஆகிய நாடுகளில், புதிய தலைமுறை பணக்காரர்களின் எண்ணிக்கை, 90 கோடியாகவும், அவர்களின் வருவாய், 8 லட்சம் கோடி டாலர் எனவும் மதிப்பிடப்பட்டு உள்ளது. இந்தியாவில், நடுத்தர வர்க்கத்தினரும், புதிய தலைமுறை பணக்காரர்களும் பெருகி வருவதால், வைரங்கள் மற்றும் வைர நகைகள் சந்தை வளர்ச்சி சிறப்பாக இருக்கும் என, கணிக்கப்பட்டு உள்ளது. இந்தியா மற்றும் சீனாவில், புதிய தலைமுறை பணக்காரர்களும், நடுத்தர வர்க்கத்தினரும் அதிகரித்து வருவது போன்றவற்றால், வைரங்களுக்கான தேவை, ஆண்டுக்கு, சராசரியாக, 2– 5 சதவீதம் வளர்ச்சி காணும். இந்தியா, வரும், 2020ல், மிகப்பெரிய வைரச் சந்தை உள்ள நாடுகளில், ஐரோப்பா, ஜப்பான் நாடுகளை பின்னுக்கு தள்ளிவிட்டு, மூன்றாவது இடத்திற்கு முன்னேறும். முதலிரண்டு இடங்களில், சீனா, அமெரிக்கா ஆகியவை தொடர்ந்து நீடிக்கும்இவ்வாறு அதில் கூறப்பட்டு உள்ளது.
சப்ளை குறைகிறதுசமீப காலமாக, சர்வதேச அளவில், கச்சா வைரங்கள் சப்ளை குறைந்துள்ளது. இதற்கு, தற்போதைய சுரங்கங்களில், வைர வளம் குறைந்து விட்டதும், புதிய சுரங்கங்கள் செயல்பாட்டிற்கு வருவதில் ஏற்பட்டுள்ள தாமதமும், முக்கிய காரணங்களாக உள்ளன. இந்தியாவில், பந்தர் வைரச் சுரங்க பணிகள் துவங்குவது தாமதமாகி வருகிறது. அதே சமயம், அங்கோலாவின் புதிய, ‘லாக்ஸ்’ சுரங்கங்கள் வாயிலான வைரங்கள் வரத்து அதிகரித்து உள்ளது. இவற்றின் அடிப்படையில், 2030 வரை, கச்சா வைரங்கள் சப்ளை, ஆண்டுக்கு, சராசரியாக, 1 – 2 சதவீதம் குறையும் என, மதிப்பிடப்பட்டு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|