மும்பை : ‘‘உலக வர்த்­தக அமைப்பின், ‘வர்த்­தக வசதி ஒப்­பந்தம்’ அம­லுக்கு வந்­துள்­ளதால், ஏற்­று­மதி நிறு­வ­னங்­க­ளுக்கு, சரக்கு பெட்­டகம் சார்ந்த நடை­முறை செல­வினம், தலா, 15 ஆயிரம் ரூபாய் வரை குறையும்,’’ என, சுங்க வரி துறையின் முதன்மை ஆணையர், பெனி பட்­டாச்­சார்யா தெரி­வித்­து உள்ளார்.
அவர் மேலும் கூறி­ய­தா­வது: உல­க­ளவில், ஏற்­று­மதி – இறக்­கு­ம­தியில் ஒளி­வு­ம­றை­வற்ற, ஒரே சீரான நடை­மு­றை­களை பின்­பற்ற, வர்த்­தக வசதி ஒப்­பந்தம் துணை­பு­ரியும். இதன் விதி­மு­றைகள், சர்­வ­தேச நாடுகள் சுல­ப­மாக வர்த்­தகம் புரி­யவும், பரஸ்­பர வணிக நிறு­வ­னங்­களின் வளர்ச்­சிக்கும் உதவும். காகித ஆவ­ணங்கள் குறைந்து, அனைத்து பரி­வர்த்­த­னை­களும், மின்­னணு முறைக்கு மாறவும், சரக்கு கையாள்­வதில், சர்­வ­தேச நடை­மு­றை­களை பின்­பற்­றவும், ஒப்­பந்தம் வகை செய்­கி­றது. ஒற்றைச் சாளர நடை­முறை கார­ண­மாக, சரக்­கு­களை அனுப்­பு­வ­தற்­கான அனு­ம­தியை, ஏற்­று­ம­தி­யா­ளர்கள் விரை­வாக பெற முடியும். சரக்­கு­களை, பெட்­ட­கத்தில் வைத்து அனுப்­பு­வது சார்ந்த செல­வி­னங்கள் குறையும்.
ஏற்­று­ம­தி­யா­ளர்­க­ளுக்கு, 40 அடி நீளம் உள்ள ஒரு சரக்கு பெட்­ட­கத்தை பயன்­ப­டுத்­து­வதற்­கான செலவில், 15 ஆயிரம் ரூபாய் வரை மிச்­ச­மாகும். அது­போல, 20 அடி நீளம் உள்ள ஒரு சரக்கு பெட்­டகம் மூலம், சரக்­கு­களை அனுப்­பு­வ­தற்­கான செல­வி­னத்தில், 10 ஆயிரம் ரூபாய் வரை குறையும். இதன் மூலம், இந்­திய ஏற்­று­ம­தி­யா­ளர்கள், சர்­வ­தேச சந்­தையில், பிற நாடு­களின் போட்­டியை சமா­ளிக்க முடியும். ஏற்­று­மதி நடை­மு­றைகள் விரை­வாக முடிக்­கப்­படும் என்­பதால், குறித்த நாளில் சரக்கு டெலி­வரி ஆகும் என, எதிர்­த­ரப்­பிற்கு உறுதி அளிக்­கலாம்.
ஏற்­று­ம­தியில், தற்­போ­துள்­ளதை விட, ஒன்­றரை நாட்­களும்; இறக்­கு­ம­தியில், இரண்டு நாட்­களும் குறையும். இது, ஏற்­று­ம­தி­யா­ளர்­களின் நம்­ப­கத்­தன்மையை அதி­க­ரிக்­கவும், பரஸ்­பர வர்த்­தகம் மேம்­ப­டவும் உதவும்.புதிய ஒப்பந்தம், ஏற்றுமதி, இறக்குமதி துறையினருக்கு மகிழ்ச்சியை அளிக்கும். இவ்­வாறு அவர் கூறினார்.
மைல்கல் ஒப்­பந்தம்சுவிட்­சர்­லாந்தில் உள்ள, ஜெனிவா நகரில், உலக வர்த்­தக அமைப்பு இயங்கி வரு­கி­றது. இங்கு, பிப்., 22ல், ‘வர்த்­தக வசதி ஒப்­பந்தம்’ பெரும்­பான்மை உறுப்பு நாடு­களின் ஒப்­பு­த­லுடன் நிறை­வே­றி­யது; இது, இந்த அமைப்பின், 21 ஆண்டு வர­லாற்றில், முதன்முத­லாக நிறை­வேற்­றப்­பட்ட, பன்­னாட்டு வர்த்­தக கூட்டு ஒப்­பந்­த­மாகும். சர்­வ­தேச வர்த்­த­கத்தில், இது ஒரு மைல்கல் ஒப்­பந்தம் என, வர்­ணிக்­கப்­ப­டு­கி­றது. இதன் மூலம், வளரும் நாடுகள் மற்றும் குறை­வான வளர்ச்சி கண்டு வரும் நாடு­களின் புதிய பொருட்கள் ஏற்­று­மதி, முறையே, 20 சத­வீதம் மற்றும் 35 சத­வீதம் அதி­க­ரிக்கும் என, மதிப்­பி­டப்­பட்­டுள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 02,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 02,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 02,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 02,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 02,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்