பதிவு செய்த நாள்
24 ஏப்2017
04:17
தங்கத்தின் மதிப்பு அனைவரும் அறிந்ததே. தங்க நகைகளை அணிந்து மகிழலாம் என்பதோடு, அவை முதலீடாகவும் விளங்குகிறது. தங்கத்தில் முதலீடு செய்வது பணவீக்கத்திற்கு எதிரான பாதுகாப்பாகவும் அமைவதாக கருதப்படுகிறது. தங்க நகைகளை வாங்கும் பழக்கம் பாரம்பரியமாக இருந்து வரும் நிலையில், தங்கத்தில் முதலீடு செய்யும் வழிகளும் அதிகரித்துள்ளன. அவை பற்றி ஒரு கண்ணோட்டம்:
ஆபரணம்நகை வடிவில் தங்கத்தை வாங்குவதே பாரம்பரிய வழக்கமாக இருக்கிறது. திருமணம் போன்ற சுப நிகழ்வுகளின் போது, பண்டிகை காலங்களில் தங்க நகை வாங்கும் பழக்கம் பரவலாக உள்ளது. அட்சய திருதியை திருநாள் அன்று, தங்கம் வாங்குவது சிறந்தது எனும் நம்பிக்கை உள்ளது. தங்க நகை முதலீடாக அமைந்தாலும், முதலீட்டு நோக்கில், தங்கத்தை நகை வடிவில் வாங்குவது தொடர்பான மாற்று கருத்துக்களும் இருக்கின்றன. செய்கூலி மற்றும் சேதாரம் அதன் பலனை பாதிப்பதாக கருதப்படுகிறது.
தங்க நாணயம்தங்கத்தை நாணயம் அல்லது தங்க கட்டியாக வாங்கலாம். நகைக் கடைகள் மற்றும் வங்கிகளில் இவற்றை வாங்கலாம். ஆனால், வங்கிகளிடம் இருந்து தங்க நாணயம் அல்லது கட்டிகளை வாங்கும் போது, அவற்றை அவை திரும்பி வாங்கிக் கொள்வதில்லை என்பதையும் கவனத்தில் கொள்ள வேண்டும். மேலும், இவை சற்று அதிகமாக பிரீமியம் விலையில், தங்க நாணயத்தை விற்பதையும் மனதில் கொள்ள வேண்டும். இவற்றை பாதுகாப்பாகவும் வைத்திருப்பதும் அவசியம்.
இ – கோல்டுதங்கத்தை இ–கோல்ட் வடிவிலும் வாங்கலாம். பங்குகள் போல மின்னணு வடிவில் தங்கத்தை வைத்திருக்கும் வசதி இது. இதற்கு டிமெட் கணக்கு அவசியம். மேலும், பியூச்சர்ஸ் எனப்படும் முன்பேர வர்த்தக வடிவிலும் தங்கம் வாங்கலாம். இவை தவிர, அரசு சார்பில் ஒவ்வொரு கட்டமாக வெளியிடப்படும் தங்க சேமிப்பு பத்திரங்களையும் வாங்கலாம். பத்திர முதிர்வு காலத்தில், அப்போதைய தங்க விலைக்கு ஏற்ற மதிப்பை பெறலாம் என்பதோடு, முதலீடு காலத்திற்கு வட்டியும் உண்டு.
தங்க இ.டி.எப்.,கள்முதலீடு நோக்கில் தங்கம் வாங்க விரும்பினால் தங்க இ.டி.எப்.,களை நாடலாம். ‘கோல்ட் எக்ஸ்சேஞ் டிரேடட் பண்ட்ஸ்’ என, இவை குறிப்பிடப்படுகின்றன. இவையும் ஒரு வகையான மியூச்சுவல் பண்ட்கள் போன்றவை தான். கிராம் அடிப்படையில் யூனிட்கள் அமையும். இவற்றை மின்னணு வடிவில் வைத்திருக்கலாம். சந்தையில் பரிவர்த்தனை செய்யலாம். பாதுகாப்பு பிரச்னை கிடையாது. தங்க மியூச்சுவல் பண்ட்களும் உள்ளன. இவை தங்க சுரங்க பணி தொடர்பான நிறுவனங்களில் முதலீடு செய்பவை.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|