பதிவு செய்த நாள்
28 ஜூன்2017
00:38
ஐயா, நான், கிருஷ்ணா டிரேடிங் எனும் பெயரில், தொழில் செய்து வருகிறேன். நான் இதுவரை, ஜி.எஸ்.டி.,யில் பதிவு செய்யவில்லை. என்னால், ஜூலை, 1 முதல், ஜி.எஸ்.டி., வசூல் செய்ய முடியுமா?–தாமோதரன், சென்னைமுடியாது. ஜி.எஸ்.டி., பதிவு செய்யாத ஒரு நபர், அவருடைய வாடிக்கையாளர்களிடமிருந்து, ஜி.எஸ்.டி., வரியை வசூலிக்க முடியாது. நீங்கள், ஜி.எஸ்.டி.,யில் செலுத்திய உள்ளீட்டு வரியை பெறுவதற்கு உரிமை கோரவும் முடியாது.
ஜி.எஸ்.டி., எந்த விதமான பொருட்கள் மீது விதிக்கப்படும்?– சித்ரா, சென்னைஅனைத்து விதமான பொருட்கள் மற்றும் சேவைகளின் மீது, ஜி.எஸ்.டி., விதிக்கப்படும் (மனித நுகர்வு மதுபானம் தவிர). குறிப்பிட்ட பெட்ரோலிய பொருட்கள் (கச்சா எண்ணெய், பெட்ரோல், டீசல், விமான எரிபொருள் மற்றும் இயற்கை எரிவாயு) மீது, ஜி.எஸ்.டி., கவுன்சில் பரிந்துரைக்கும் நாள் முதல், ஜி.எஸ்.டி., வசூலிக்கப்படும். (மேற்குறிப்பிட்ட பொருட்கள், ஜி.எஸ்.டி., வரம்பில் இல்லை). புகையிலை மற்றும் புகையிலை பொருட்களின் மீது, ஜி.எஸ்.டி., வசூலிக்கப்படும். மேலும், அவற்றிற்கு மத்திய அரசால் விதிக்கப்படும் கலால் வரியும் தொடரும்.
நான் புதிதாக, ஜி.எஸ்.டி., பதிவு செய்ய விரும்புகிறேன். அதற்கான விண்ணப்பத்தை எங்கு பெற வேண்டும்? எவ்வளவு கட்டணம் செலுத்த வேண்டியதிருக்கும்?– ராஜேஷ், திருப்பூர்புதிதாக, ஜி.எஸ்.டி., பதிவு செய்பவர்கள், படிவம், ஜி.எஸ்.டி., REG- 01ல், மின்னணு முறையில், https://www.gst.gov.in இணையதளத்தில் விண்ணப்பிக்க வேண்டும். ஜி.எஸ்.டி., பதிவு எண்ணை பெற கட்டணம் எதுவுமில்லை.
நான் தமிழகத்தில், 6 நகரங்களில் விற்பனை நிலையங்கள் வைத்துள்ளேன். நான் ஒரு, ஜி.எஸ்.டி., எண் பெற்றால் போதுமா அல்லது அனைத்து விற்பனை நிலையங்களுக்கும் பதிவு எண் பெற வேண்டுமா?– ஹரிஷ், கோவைநீங்கள் ஒரே ஒரு பதிவு எண் பெற்றால் போதும். வேறு மாநிலத்தில் விற்பனை நிலையம் உங்களுக்கு இருந்தால், அதற்கு, அந்த மாநிலத்தில், ஜி.எஸ்.டி., பதிவு எண் பெற வேண்டும்.
நான், ஓர் அறக்கட்டளையை நிர்வகித்து வருகிறேன். அறக்கட்டளை மூலம் வழங்கப்படும் பொருட்களுக்கு, ஜி.எஸ்.டி., வரி விதிக்கப்படுமா?– ராஜாராம், சேலம், திருப்பூர்அறக்கட்டளை மூலம் வழங்கும் பொருட்கள் வணிக நோக்குடன் வழங்கப்பட்டால், ஜி.எஸ்.டி., வரி விதிக்கப்படும். வணிக நோக்கம் இல்லையேல், வரி விதிக்கப்படாது.
இலவச பரிசுகளை வழங்கினால், அதற்கும், ஜி.எஸ்.டி., உண்டு என, சிலர் சொல்கின்றனர். இதை பற்றி தெளிவுபடுத்தவும்.– ராகிணி, சென்னைஇலவச பரிசுகளை தொடர்பு அல்லாத நபர்களுக்கு வழங்கும் போது, ஜி.எஸ்.டி., இல்லை. ஆனால், அத்தகைய பொருட்களுக்கு உள்ளீட்டு வரிச்சலுகை பெற இயலாது.
பொருட்களின், ஜி.எஸ்.டி., வரி விகிதத்தை எவ்வாறு தெரிந்து கொள்ள முடியும்?– கார்த்திக், மயிலாப்பூர்ஒவ்வொரு பொருளும், HSN Code மூலம் பிரித்துள்ளனர். அவற்றுக்கான வரி விகிதத்தை, www.cbec.gov.in எனும் இணையதளத்தில் பெறலாம்.
ஏற்றுமதி மற்றும் இறக்குமதி மீது, ஜி.எஸ்.டி., விதிக்கப்படுமா?– சார்லஸ், சென்னைஏற்றுமதிக்கு பூஜ்ஜிய வரி என்பதால் (0% rated supply ) அதன் மீது வரிச்சுமை இருக்காது. இறக்குமதி (ஐ.ஜி.எஸ்.டி., சப்ளை ) என கருதப்பட்டு, அதன் மீது, 18 சதவீதம், ஜி.எஸ்.டி., விதிக்கப்படும்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|