பதிவு செய்த நாள்
01 ஜூலை2017
15:15
புதுடில்லி : ஜூன் 30 நள்ளிரவு முதல் நாடு முழுவதும் ஜிஎஸ்டி அமல்படுத்தப்பட்டதை அடுத்து, பிரபலமான கார்கள், ஸ்கூட்டர்கள் மற்றும் மோட்டர்சைக்கிள்களின் விலை இன்று (ஜூலை 1) முதல் குறைக்கப்பட்டுள்ளது.
அதே சமயம் 350 சிசி.,க்கு மேற்பட்ட திறன் கொண்ட என்ஜின்களால் ஆன பெரிய பைக்களின் விலை உயர்த்தப்பட்டுள்ளது. ஆட்டோ துறை நிறுவனங்கள் தாங்கள் எதற்கு எவ்வளவு குறைத்துள்ளோம் என்ற அறிவிப்பையும் உடனடியாக வெளியிட்டுள்ளன. சில நிறுவனங்கள் ஜூலை 3 ம் தேதியன்று எவ்வளவு விலை குறைக்கப்பட்டது என்ற அறிவிப்பை வெளியிட உள்ளன.
பெரிய ரக கார்களுக்கு அதிக அளவிலும், சிறிய கார்களுக்கு சிறிய அளவிலும் விலைகள் குறைக்கப்பட்டுள்ளது. உதாரணமாக, மெர்சிடெஸ் ஜிஎல்எஸ் 350 சொகுசு காரின் விலை ரூ.3 லட்சம் வரையிலும், ஹூண்டாய் கிரிடா கார்கள் ரூ.40,000 முதல் ரூ.60,000 வரையிலும் குறைக்கப்பட உள்ளது.
ஹீரோ மோட்டாவின் பைக்குகள் மற்றும் ஸ்கூட்டர்களின் விலை 5 சதவீதம் வரை குறைக்கப்பட உள்ளன. ஹோண்டா மோட்டார் சைக்கிள் மற்றும் ஸ்கூட்டர் விலை ரூ.3400 வரை குறைக்கப்பட உள்ளது. அதேசமயம் ராயல் என்பீல்ட், டுகாடி, ஹார்லி டேவிட்சன் உள்ளிட்ட மாடல்களின் விலைகள் உயர்த்தப்பட உள்ளன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|