விரும்­பி­ய­படி செயல்­படும் வகையில், செயல்­ தி­றனை வளர்த்துக் கொள்­வதற்­கான வழி­களை, ‘தி லிட்டில் புக் ஆப் புர­டக்­டி­விட்டி’ புத்­த­கத்தில், ஸ்காட் யங் விவ­ரிக்­கிறார்.

செயல்­ தி­றனை விரும்­பு­வ­தற்­கான காரணம் இருக்க வேண்டும். அதிக நேரமும், ஆற்­றலும் இருந்தால் என்ன செய்­வீர்கள் என, எழுதி வையுங்கள். இப்­படி எண்­ணங்­களை எழுதி வைப்­பது, செயல்­ தி­ற­னோடு இருப்­ப­தற்­கான ஊக்­கத்தை அளிக்கும். நீங்கள் எழுதும் எண்­ணங்­களில், சில எளி­தாக இருக்­கலாம்; சில­வற்­றுக்கு பயிற்சி தேவைப்­ப­டலாம்.

சோம்­பலை வெல்ல, தின­சரி அல்­லது வாராந்­திர இலக்கு முறை உதவும். ஒவ்­வொரு வார இறு­தியில், அடுத்த ஏழு நாட்கள் என்ன செய்ய விரும்­பு­கி­றீர்கள் என, எழுதி வையுங்கள். ஒவ்­வொரு நாள் முடிவிலும், இந்த பட்­டி­யலில் உள்ள சில­வற்றை, வேறு பட்­டி­ய­லுக்கு மாற்­றுங்கள். இவை தான், உங்கள் தின­சரி இலக்­குகள். இவற்றை முடித்­த­வுடன், அன்­றைய தினத்­திற்­கான செயல்கள் முடிந்­தன. இந்த முறை எல்­லா­வற்­றையும் செய்ய முயற்­சிப்­ப­தற்கு பதி­லாக, ஒவ்­வொரு நாளும் முடிக்கக் கூடிய செயல்­களை வகுத்துக் கொள்ள உத­வு­கி­றது.

மலை போன்ற வேலை­யை தின­சரி செயல்­க­ளாக பிரித்துக் கொள்­வதன் மூலம், எல்­லா­வற்­றையும் எளி­தாக்­கு­கி­றது. தெளி­வில்­லாத பெரிய திட்­டங்­களே, செயல்­களை தள்ளிப் போடு­வ­தற்­கான கார­ண­மாக அமை­கி­றது. இதை சமா­ளிக்க, பெரிய திட்­டத்தை செயல்­ப­டுத்தக் கூடிய சிறிய செயல்­க­ளாக பிரித்து கொள்ள வேண்டும். நீங்கள் செய்­யாமல் தள்ளிப் போடும் செயல்கள் மற்றும் உங்­க­ளுக்கு பிடிக்­காத செயல்­களை, இப்­படி சின்ன சின்ன செயல்­க­ளாக பிரித்து கொள்­ளலாம்.

நீங்கள் செயல்­களை தள்ளிப் போடு­வ­தற்­கான காரணம் சோம்பல் இல்லை, உங்­க­ளுக்குள் இருக்கும் ஆற்றல் மந்­த­மாக இருப்­பது தான். 100 மீ., ஓட்டப் பந்­த­யத்தில் தீவி­ர­மாக ஓடு­வது போல, குறு­கிய நேரத்­திற்கு தீவிர கவனம் செலுத்­தவும். காலையில் சீக்­கிரம் எழுந்­தி­ருக்க வேண்டும் எனில், வழக்­கத்தை விட, 10 நிமிடம் முன்­ன­தாக கண் விழிக்­கவும். விரைவில், இதுவே பழக்­க­மா­கி­விடும்.
சுய ஒழுக்­கத்தை பயிற்சி செய்­யுங்கள். ஒரு செயலை நிறுத்திக் கொள்ள தோன்­றினால், கூடு­த­லாக ஒரு, 10 நிமிடம் வேலை செய்­யுங்கள். உங்கள் மனது வெவ்­வேறு திட்­டங்­களை நோக்கி அலைப்­பாய்ந்தால், ஒரு மாதம் குறிப்­பிட்ட பணியில் மட்டும் கவனம் செலுத்த உறுதிக் கொள்­ளுங்கள். உங்­க­ளுக்கு உற்­சாகம் அளிக்கும் மந்­தி­ரத்தை உரு­வாக்கிக் கொள்­ளுங்கள். செயல்­ தி­ற­னுடன் தொடர்­புப்­ப­டுத்திக் கொள்ளக் கூடிய வாச­க­மாக, இது இருக்­கலாம். உற்­சாக பொன்­மொ­ழி­களை நாடலாம்.

கண்­ணுக்குத் தெரி­யாத தடை­களை நீக்­குங்கள். இலக்­கு­களின் பட்­டி­யலை கையில் வைத்­தி­ருப்­பது, மற்­ற­வர்­க­ளிடம் இலக்­கு­களை சொல்லி வைப்­பது மற்றும் எழுதி வைப்­பது செயல்­ப­டு­வ­தற்­கான கிரி­யா­ஊக்­கி­யாக அமையும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 03,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 03,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 03,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 03,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 03,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்