பதிவு செய்த நாள்
07 ஜன2018
03:49
புதுடில்லி:நாட்டின் பொருளாதார வளர்ச்சியை மேம்படுத்தவும், அதிகளவில் வேலைவாய்ப்புகளை உருவாக்கவும், சுற்றுலா துறையில் வரி குறைப்பு உள்ளிட்ட ஊக்குவிப்பு நடவடிக்கைகளை மேற்கொள்ள, மத்திய அரசு திட்டமிட்டு உள்ளது. இவை குறித்த அறிவிப்புகள், பிப்., 1ல் தாக்கல் செய்யப்பட உள்ள, மத்திய பட்ஜெட்டில் வெளியாகும் என, தகவல் கசிந்து உள்ளது.
இது குறித்து, பெயர் குறிப்பிட விரும்பாத, மத்திய அரசு அதிகாரி ஒருவர் கூறியதாவது:
இந்திய சுற்றுலா துறை சந்தை மதிப்பு, 13.65 லட்சம் கோடி ரூபாயாக உள்ளது. இத்துறை, 2017 ஏப்., – செப்., வரையிலான அரையாண்டில், 10 சதவீதத்திற்கும் அதிகமாக வளர்ச்சி கண்டுள்ளது. இது, 2016ல், இதே காலத்தில், 8 சதவீதத்தை நெருங்கி இருந்தது.
சுற்றுலா துறையின் ஆற்றலை, முடிந்த அளவு பயன்படுத்தி, அதிகளவில் முதலீடுகளை ஈர்த்து, பொருளாதாரத்தை வலுப்படுத்தவும், வேலைவாய்ப்பை பெருக்கவும் மத்திய அரசு
விரும்புகிறது.
இத்துறையில் தற்போது, 4 கோடி பேர் பணியாற்றுகின்றனர். அடுத்த, 10 ஆண்டுகளில் கூடுதலாக, 1 கோடி வேலைவாய்ப்புகளை உருவாக்க, அரசு திட்டமிட்டு உள்ளது.இதற்காக, மத்திய பட்ஜெட்டில், கவர்ச்சிகரமான திட்டங்கள் அறிவிக்கப்படும் என, தெரிகிறது.குறிப்பாக, நட்சத்திர ஓட்டலுக்கு, 28 சதவீத, ஜி.எஸ்.டி., என்பது குறைய வாய்ப்பு உள்ளது.
ஏனெனில், இதர ஆசிய நாடுகளுடன் ஒப்பிடும் போது, இந்தியாவில் தான், சுற்றுலா பயணியர் ஓட்டல் அறைகளுக்கும், பயணங்களுக்கும் சராசரியாக, 30 சதவீதம் வரி செலுத்துகின்றனர்.
இது, சிங்கப்பூர், தாய்லாந்து, இந்தோனேஷியா ஆகிய நாடுகளில், 10 சதவீதத்திற்கும் குறைவாக உள்ளது.
வரி குறைக்கப்பட்டால், சுற்றுலா பயணியர் விமான போக்குவரத்து நிறுவனங்கள், ஓட்டல் குழுமங்கள், சுற்றுலா நிறுவனங்கள் பயன் பெறும்.பட்ஜெட்டில், சுற்றுலா துறையின் உட்கட்டமைப்பு திட்டங்களுக்கான நிதி ஒதுக்கீட்டை அதிகரிக்கவும், புதிய ஓட்டல்களில் மேற்கொள்ளும் முதலீடுகளுக்கு வரி விலக்கு சலுகை அளிக்கவும் வாய்ப்பு உள்ளது.
ஓட்டல் கட்டுமானத்திற்கு வரிச்சலுகைகள்; புதிய சுற்றுலா ரயில்களுக்கு கூடுதல் நிதி ஒதுக்கீடு; சுற்றுலா தலங்களை இணைக்கும் சாலை வசதி திட்டங்கள் ஆகியவையும், பட்ஜெட்டில் வெளியாகும் என, தெரிகிறது.புதிய மற்றும் குறைவான பயணியர் போக்குவரத்து உள்ள, பிராந்திய விமான நிலையங்களை ஊக்குவிக்கும் திட்டங்களையும், பட்ஜெட்டில் எதிர்பார்க்கலாம்.இவ்வாறு அவர் கூறினார்.
அதிகரிப்பு
குறைந்த கட்டணத்திலான, ‘உதான்’ விமான சேவை திட்டம், உள்நாட்டு விமான போக்குவரத்து மற்றும் விமான பயணியர் எண்ணிக்கையை அதிகரிக்க துணை புரிந்துள்ளது.
கண்டறியப்படும்
நாட்டின் பல பகுதிகள், சுற்றுலா தலங்களாக மாற்றும் தகுதியுடன் உள்ளன. அவற்றை கண்டறிந்து, உட்கட்டமைப்பு வசதிகளை ஏற்படுத்தி, சுற்றுலா பயணங்கள் அறிமுகப்படுத்தப்படும்.
அல்போன்ஸ்
மத்திய இணை அமைச்சர், கலாசாரம் மற்றும் சுற்றுலா துறை
மேலும் பொது செய்திகள்
|
Advertisement
|
Advertisement
|
Advertisement
|
|
|
|