பதிவு செய்த நாள்
02 ஜூலை2018
00:51
வருமான வரி கணக்கு தாக்கல் செய்யும் போது, வட்டி வருமானத்தையும் சேர்த்துக்கொள்ள வேண்டும் என்பது பெரும்பாலானோர் அறிந்தது தான். வைப்பு நிதி மீதான வருமானம் போன்றவை பலருக்கு நினைவில் இருந்தாலும், வேறு சில வருமானத்தை மறந்துவிடும் வாய்ப்பு இருக்கிறது. அந்த வகையில், வரித்தாக்கல் செய்யும் போது, மறக்காமல் கவனத்தில் கொள்ள வேண்டிய வட்டி வருமானங்கள் இவை:
லாக்கர் வைப்பு நிதி
வங்கிகளில் லாக்கர் சேவை பெறும் போது அதற்கு இணையாக வைப்பு நிதி முதலீடு செய்ய வேண்டியிருக்கலாம். இந்த வைப்பு நிதி மீதான வட்டி வருமானத்தை லாக்கர் வாடகைக்கு பயன்படுத்தலாம் அல்லது வைப்பு நிதியில் சேர அனுமதிக்கலாம். ஆனால், இதன் மீது, டி.டீ.எஸ்., பிடிக்கப்படாத நிலையில், இந்த வருமானத்தையும் கணக்கில் சேர்க்க வேண்டும்.
பத்திர வருமானம்
பொதுத்துறை நிறுவனங்கள், தனியார் நிறுவனங்கள், நிதி அமைப்புகள் அவ்வப்போது பத்திரங்களை வெளியிடுகின்றன. இவற்றுக்கு விண்ணப்பிக்கும் போது, அதிக அளவில் விண்ணப்பங்கள் குவியும் நிலையில், பகுதி அளவு பத்திரங்கள் ஒதுக்கப்பட்டு, எஞ்சிய தொகை திருப்பி அளிக்கப்படும். இதற்கான வட்டி வருமானத்தையும் மனதில் கொள்ளவும்.
செக்யூரிட்டி டெபாசிட்
மின் சேவை மற்றும் தொலைத்தொடர்பு சேவை பெறும் போது, இணைப்பிற்காக ஒருமுறை செக்யூரிட்டி டெபாசிட் செலுத்த வேண்டும். இணைப்பு விலக்கி கொள்ளும் வரை இது அமலில் இருக்கும். இந்த தொகைக்கு, வட்டி வருமானமும் அளிக்கப்படுவதுண்டு எனில், இந்த தொகையையும் சேர்த்துக்கொள்ள வேண்டும்.
என்.எஸ்.சி., முதலீடு
தேசிய சேமிப்பு சான்றிதழான, என்.எஸ்.சி., முதலீடு மீதான வட்டி வருமானம் வரி விலக்கிற்கு உட்பட்டது, எனினும் இது இந்த தொகை மறுமுதலீடு செய்யப்படும் காலத்திற்கு மட்டுமே பொருந்தும். முதிர்வின் போது மொத்தமாக விலக்கி கொள்ளும் போது, மறு முதலீடு செய்யப்படுவதில்லை என்பதால், கணக்கில் சேர்க்கப்பட வேண்டும்.
வரி ரீபண்ட்
இதே போல, பி.பி.எப்., முதலீடு வரி விலக்கிற்கு உட்பட்டது என்றாலும், அதன் வட்டி வருமானத்தை கணக்கில் காட்டி, விலக்கு பெறப்பட்டது என்பதை குறிப்பிட வேண்டும். வருமான வரி தாக்கல் செய்த பின், தொகை திரும்பி செலுத்தப்பட்டு, அதற்கு வட்டி அளிக்கப்பட்டிருந்தால் அதையும் மறக்கக் கூடாது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|