பதிவு செய்த நாள்
22 ஜன2020
06:45
புதுடில்லி : பயணியர் வாகன சில்லரை விற்பனை, கடந்த டிசம்பர் மாதத்தில், 9 சதவீதம் அளவுக்கு சரிவை கண்டுள்ளதாக, வாகன முகவர்கள் கூட்டமைப்பான, எப்.ஏ.டி.ஏ., தெரிவித்துள்ளது.
இது குறித்து, இவ்வமைப்பு மேலும் தெரிவித்துள்ளதாவது:பயணியர் வாகன சில்லரை விற்பனை, கடந்த டிசம்பர் மாதத்தில், 9 சதவீதம் குறைந்து, மொத்தம், 2.16 லட்சம் வாகனங்கள் விற்பனை செய்யப்பட்டுள்ளன.மிகச் சிறந்த சலுகைகள் வழங்கப்பட்ட போதும் வாடிக்கையாளர்களை ஈர்க்க முடியாமல், விற்பனை குறைந்துள்ளது. இருசக்கர வாகன விற்பனையும், கடந்த டிசம்பர் மாதத்தில், 16 சதவீதம் குறைந்துள்ளது. வர்த்தக வாகனங்களைப் பொறுத்தவரை, 21 சதவீதம் சரிவு ஏற்பட்டுள்ளது. மூன்று சக்கர வாகன விற்பனை மட்டும், 1 சதவீதம் அதிகரித்துள்ளது.
அனைத்து வாகன பிரிவையும் சேர்த்து பார்க்கும்போது, கடந்த டிசம்பரில், 15 சதவீதம் சரிவு ஏற்பட்டுள்ளது. சிறந்த சலுகைகள் வழங்கப்பட்டு, நுகர்வோரும் அதிக அளவில் வாகனங்கள் குறித்து விசாரித்தும், வாங்குவது குறித்து முடிவு எதுவும் எடுக்க முடியாத அளவுக்கு, நுகர்வோர் நம்பிக்கை குறைவாக இருக்கிறது. இவ்வாறு தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|