புதுடில்லி:கடந்த, 2018 – 2019ம் நிதியாண்டில், மத்திய பொதுத்துறை நிறுவனங்களில், ஓ.என்.ஜி.சி., இந்தியன் ஆயில் கார்ப்பரேஷன், என்.டி.பி.சி., ஆகிய மூன்று நிறுவனங்கள் அதிக லாபம் சம்பாதித்துள்ளன.அதேசமயம், பி.எஸ்.என்.எல்., ஏர் இந்தியா, எம்.டி.என்.எல்., ஆகிய நிறுவனங்கள் அதிகபட்ச இழப்பை சந்தித்துள்ளன.

அனைத்து மத்திய பொதுதுறை நிறுவனங்களின் செயல்திறனை அறியும் வகையில் எடுக்கப் பட்ட, ‘பொதுத்துறை நிறுவன கணக்கெடுப்பு 2018 – -19’ல் இவ்வாறு தெரிவிக்கப்பட்டுள்ளது. இது குறித்து, இந்த கணக்கெடுப்பில் மேலும் கூறப்பட்டுள்ளதாவது:நாட்டில் உள்ள, 70 மத்திய பொதுத்துறை நிறுவனங்கள் ஏற்படுத்தும் நஷ்டத்தில், 94.04 சதவீதத்தை, அதிக இழப்பை ஏற்படுத்தும் டாப் – 10 நிறுவனங்கள் ஏற்படுத்துகின்றன.

அனைத்து லாபகரமான பொதுத்துறை நிறுவனங்களின் மொத்த லாபத்தில், 15.3 சதவீதம் ஓ.என்.ஜி.சி., நிறுவனத்தினுடையதாகும். இந்தியன் ஆயில் கார்ப்பரேஷன், என்.டி.பி.சி., ஆகியவற்றின் பங்கு முறையே, 9.68 சதவீதம் மற்றும் 6.73 சதவீதம் ஆகும்.கடந்த, 2017 – -18ம் நிதியாண்டில், லாபம் தந்துக் கொண்டிருந்த எம்.எஸ்.டி.சி., மற்றும் சென்னை பெட்ரோலியம் கார்ப்பரேஷன் ஆகிய நிறுவனங்கள், 2018 – -19ம் நிதியாண்டில் அதிகளவு இழப்பை ஏற்படுத்தும், 10 நிறுவனங்களின் பட்டியலில் சேர்ந்துவிட்டன.

அனைத்து மத்திய பொதுத்துறை நிறுவனங்களின் மொத்த வருமானம், 2018 – ௧9ல், 24.41 லட்சம் கோடி ரூபாய் ஆகும். இதுவே, இதற்கு முந்தைய நிதியாண்டில், 20.32 லட்சம் கோடி ரூபாயாக குறைந்திருந்தது குறிப்பிடத்தக்கது. இதையடுத்து, மொத்த வருமானத்தின் வளர்ச்சி, 20.12 சதவீதமாக, கடந்த நிதியாண்டில் அதிகரித்து உள்ளது.

ஜி.எஸ்.டி., சுங்க வரி, கார்ப்பரேட் வரி, டிவிடெண்டு உள்ளிட்டவையால், மத்திய அரசுக்கு, இந்த பொதுதுறை நிறுவனங்கள் மூலமாக, 3.69 லட்சம் கோடி ரூபாய் வருமானம் வந்துள்ளது. இதுவே, இதற்கு முந்தைய நிதியாண்டில், 3.52 லட்சம் கோடி ரூபாயாக இருந்தது.இந்த கணக்கெடுப்பின்படி, கடந்த ஆண்டு, மார்ச், 31ம் தேதி நிலவரப்படி, நாட்டில் மொத்தம், 348 மத்திய பொதுத்துறை நிறுவனங்கள் உள்ளன. இவற்றில், 249 நிறுவனங்கள் செயல்பட்டு வருகின்றன. 86 நிறுவனங்கள் அமைக்கப்பட்டு வருகின்றன.


மீதம் உள்ள, 13 நிறுவனங்கள், மூடப்பட்டு உள்ளன அல்லது மூடும் முயற்சியில் உள்ளன. இவ்வாறு கணக்கெடுப்பில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 11,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 11,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 11,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 11,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 11,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்