பதிவு செய்த நாள்
02 மார்2021
06:05
புதுடில்லி : கடந்த பிப்ரவரியில், ‘மாருதி சுசூகி இந்தியா’ நிறுவனத்தின் வாகன விற்பனை, 11.8 சதவீதம் உயர்ந்து, 1 லட்சத்து, 64 ஆயிரத்து, 469 ஆக அதிகரித்துள்ளது; இது, கடந்த ஆண்டு, இதே மாதத்தில், 1 லட்சத்து, 47 ஆயிரத்து, 110 ஆக இருந்தது.
இதே காலத்தில், உள்நாட்டு வாகன விற்பனை, 11.8 சதவீதம் உயர்ந்து, 1 லட்சத்து, 36 ஆயிரத்து, 849லிருந்து, 1 லட்சத்து, 52 ஆயிரத்து, 983 ஆக அதிகரித்துள்ளது.‘ஆல்டோ, எஸ் – பிரெஸ்ஸோ’ உள்ளிட்ட ‘மினி’ கார்கள் விற்பனை, 27 ஆயிரத்து, 499லிருந்து, 23 ஆயிரத்து, 959 ஆக சரிந்துள்ளது.‘ஸ்விப்ட், செலிரியோ, இக்னிஸ், பலேனோ, டிசைர்’ ஆகிய, ‘காம்பேக்ட்’ கார்கள் விற்பனை, 15.3 சதவீதம் உயர்ந்து, 69 ஆயிரத்து, 828லிருந்து, 80 ஆயிரத்து, 517 ஆக அதிகரித்துள்ளது.
‘சியஸ்’ கார் விற்பனை, 2,544லிருந்து, 1,510 ஆக குறைந்துள்ளது.‘விட்டாரா, பிரெஸ்ஸா, எஸ் – கிராஸ், எர்டிகா’ ஆகிய பன்முக பயன்பாட்டு வாகன விற்பனை, 22 ஆயிரத்து, 604லிருந்து, 26 ஆயிரத்து, 884 ஆக உயர்ந்துள்ளது. ஏற்றுமதி, 11.9 சதவீதம் வளர்ச்சி கண்டு, 10 ஆயிரத்து, 261லிருந்து, 11 ஆயிரத்து, 486 ஆக அதிகரித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|