மும்பை:பொதுத் துறையைச் சேர்ந்த யூனியன் பேங்க் ஆப் இந்தியா, வெளிநாடு வாழ் இந்தியர்கள் மேற்கொள்ளும், என்.ஆர்.இ., குறித்த கால டெபாசிட்டிற்கான வட்டி விகிதத்தை, 0.50 சதவீதம் முதல், 0.75 சதவீதம் வரை உயர்த்தி உள்ளது.ரிசர்வ் வங்கியின் கவர்னராக, அண்மையில் பொறுப்பேற்றுள்ள ரகுராம் ராஜன், அன்னியச் செலாவணி வரத்தை அதிகரிக்கும் வகையில், பல்வேறு நடவடிக்கைகள் மேற்கொள்ளப்படும் என, தெரிவித்திருந்தார்.இந்நிலையில், யூனியன் பேங்க் ஆப் இந்தியா, வெளிநாடு வாழ் இந்தியர்கள் மேற்கொள்ளும் டெபாசிட்டை அதிகளவில் கவரும் வகையில், அதற்கான வட்டி விகிதங்களை உயர்த்தியுள்ளது.
இதன்படி, 1 கோடி ரூபாய்க்கும் அதிகமாக மேற்கொள்ளப்படும் டெபாசிட்டுகளுக்கான வட்டி விகிதம், 9 சதவீதத்திலிருந்து, 9.50 சதவீதமாக உயர்த்தப்பட்டு உள்ளது. மேலும், 1 கோடி முதல் 10 கோடி ரூபாய் வரையில் மேற்கொள்ளப்படும் டெபாசிட்டுகளுக்கான வட்டி, 0.75 சதவீதம் அதிகரிக்கப்பட்டு, 8.50 சதவீதத்திலிருந்து, 9.25 சதவீதமாக அதிகரிக்கப்பட்டு உள்ளது.மேற்கண்ட அனைத்து டெபாசிட்டுகளின் முதிர்வு காலம், 3 முதல் 5 ஆண்டுகள். இப்புதிய வட்டி விகிதம், செப்டம்பர், 5ம் தேதி முதல் அமல்படுத்தப்பட்டுள்ளதாக, இவ்வங்கி வெளியிட்டுள்ள செய்தி குறிப்பில் தெரிவிக்கப்பட்டு உள்ளது.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் செப்டம்பர் 09,2013

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் செப்டம்பர் 09,2013

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் செப்டம்பர் 09,2013

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் செப்டம்பர் 09,2013

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை செப்டம்பர் 09,2013

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்