பதிவு செய்த நாள்
01 மே2017
04:12
வாய்ப்பை அறிதல் தான், வெற்றிக்கான முதல் வழி என்கிறார், தீப் பட்டேல். ‘ஏ பேப்பர் பாய்ஸ் பேபில்; தி 11 பிரின்சிபில்ஸ் ஆப் சக்சஸ்’ எனும் புத்தகத்தில், வெற்றிக்கான, 11 வழிகளை அவர் விவரிக்கிறார்.
பேப்பர் போடும் இளைஞனின் கதை வடிவில், இவற்றை மிகவும் சுவாரசியமான முறையில் இது அமைந்துள்ளது. அந்த இளைஞன், பூங்காவில் அமர்ந்திருக்கும் போது, நடுத்தர வயது மனிதர் ஒருவர், போனில் பேசுவதை கேட்டுவிட்டு, அவர் தான் பார்த்துக் கொண்டிருக்கும், பேப்பர் போடும் வேலையில் இருந்து, மறுநாள் முதல் விலகிக் கொள்ள இருப்பதை அறிகிறான். உடனே, அவரிடம் அறிமுகம் செய்து கொண்டு பேசுகிறான். மேற்படிப்பிற்காக, கல்லுாரியில் சேர்வதற்கு முன், விடுமுறை காலம் என்பதால், அந்த வேலையை தான் தொடரலாம் என, விரும்புகிறான். நடுத்தர வயது மனிதர் அதற்கு ஒப்புக் கொண்டாலும், இந்த காலத்தில் பலரும் இணையம் மூலமே பேப்பர் படித்து விடுவதால், காலையில் பேப்பர் போடுவது வீண் வேலை என்கிறார். இளைஞனுக்கும், அது தெரியும்.
ஆனால், அந்த பகுதியை நன்கறிந்தவன் என்பதால், அதில் வசிக்கும் பெரும்பாலானோர், வயதான மற்றும் ஓய்வு பெற்றவர்கள் என்பதால், அவர்களுக்கு நாளிதழில் பொறுமையாக படிக்க, பல விஷயங்கள் இருக்கும் என, நினைக்கிறான். எனவே, கொஞ்சம் முயற்சி செய்தால், பெரும்பாலான வீடுகளில் இருந்து, நாளிதழ் சந்தா பெற முடியும் என, நம்புகிறான். நடுத்தர வயது மனிதர் பிரச்னையாக பார்த்ததை, அவன் வாய்ப்பாக பார்த்தான்.மறுநாள், அவன் வேலைக்கு தயாரானான்.
நாளிதழ் அலுவலகத்தில் இருந்து, ஒப்பந்தம் பெற்ற பின், நேராக சைக்கிள் கடைக்குச் சென்று, தன் பழைய சைக்கிளை பழுது பார்த்து மேம்படுத்த ஏற்பாடு செய்தான். இதற்கான கட்டணத்தை குறைத்து பேசும் போது, கடைக்காரரிடம் தனக்கு இலவசமாக கிடைக்கும் நாளிதழை, அவருக்கு தருவதாகக் கூறி சம்மதிக்க வைக்கிறான். முன்னதாக, தனக்கு தேவைப்படக் கூடிய தொகையை, வங்கி சேமிப்புக் கணக்கில் இருந்து எடுத்துக் கொள்கிறான். இதை, வெற்றிக்கான முதலீடாக கருதினான்.
அதன்பின், முதல் நாள் பேப்பர் போடும் போது, வாடிக்கையாளர்களிடம் சென்று, தன்னை நேரடியாக அறிமுகம் செய்து கொள்கிறான்; வாடிக்கையாளர்கள் பிரச்னையை அறிந்து, அவற்றை தீர்த்து வைக்கிறான். முதற்கட்டமாக, பேப்பர் வாங்கும் வாடிக்கையாளர்கள் மற்றும் ஏற்கனவே வாங்கி, பின் நிறுத்திவிட்டவர்களை அணுகி, அவர்களை கவர முயற்சிக்கிறான். வாடிக்கையாளர்களிடம் பேசும் போது, நாளிதழ் போடப்படும் பிளாஸ்டிக் பை தரக்குறைவாக இருப்பதை அறிந்து, அதை சரி செய்ய முயற்சிக்கிறான். அதன்பின், தன் மார்க்கெட்டிங் முயற்சியை மேலும் தீவிரமாக்குகிறான். வாடிக்கையாளர்களை சம்மதிக்க வைப்பதில் உள்ள தடைகள் அறிந்து, அவற்றை நீக்குகிறான்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|