இந்­தி­யர்கள் பொது­வாக வைப்பு நிதி போன்ற முத­லீட்டு வாய்ப்­பு­களை அதிகம் நாடி வந்­தாலும், அண்மை கால­மாக மியூச்­சுவல் பண்ட்டில் முத­லீடு செய்­வது அதி­க­ரித்­துள்­ளது. குறிப்­பாக இளம் முத­லீட்­டா­ளர்கள் மியூச்­சுவல் பண்ட் திட்­டங்­களில் ஆர்­வ­முடன் முத­லீடு செய்­கின்­றனர். மியூச்­சுவல் பண்ட் முத­லீடு சிறந்­த­தாக கரு­தப்­பட்­டாலும், அதன் பல்­வேறு அம்­சங்­களை அறிந்து கொண்டு முத­லீடு செய்­வது ஏற்­ற­தாக கரு­தப்­ப­டு­கி­றது. பொது­வாக நோக்கும் போது மியூச்­சுவல் பண்ட் முத­லீட்டின் சாதகம் மற்றும் பாத­க­மான அம்­சங்கள் இவை:
பங்­குச்­சந்தை பங்­கேற்புமுத­லீட்­டா­ளர்­களை பொருத்­த­வரை பங்கு முத­லீட்டில் பங்­கேற்­ப­தற்­கான வாய்ப்­பாக மியூச்­சுவல் பண்ட் முத­லீடு அமை­கி­றது. முத­லீட்­டா­ளர்கள் நேர­டி­யாக பங்­கு­களை வாங்க வேண்­டி­ய­தில்லை. குறிப்­பிட்ட பங்­கு­களின் ஏற்ற இறக்கம் பற்றி கவ­லைப்­பட வேண்டாம். தொழில்­முறை வல்­லு­னர்கள் அவர்கள் சார்­பாக பங்­கு­களை வாங்கி நிர்­வ­கிப்­பார்கள். முத­லீட்­டா­ளர்­க­ளிடம் இருந்து திரட்­டப்­படும் முத­லீடு பண்ட், நோக்­கத்­திற்கு ஏற்ப பங்­குகள் உள்­ளிட்ட முத­லீட்டு சாத­னங்­களில் முத­லீடு செய்­யப்­பட்டு, அதன் பலன் முத­லீடு பங்­கிற்கு ஏற்ப பிரித்­த­ளிக்­கப்­படும்.
விரி­வாக்கம்மியூச்­சுவல் பண்ட் திட்­டங்கள் பங்­குகள் மட்டும் அல்­லாமல், பத்­தி­ரங்கள் உள்­ளிட்ட பல்­வேறு முத­லீட்டு வாய்ப்­பு­களில் முத­லீடு செய்­கின்­றன. முத­லீட்டு வாய்ப்­பு­களின் தேர்­வுக்கு ஏற்ப பல­வ­கை­யான பண்ட்கள் இருக்­கின்­றன. உதா­ர­ண­மாக, சம பங்­கு­களில் அதிகம் முத­லீடும் செய்யும் பண்ட்கள் ஈக்­விட்டி பண்ட் என குறிப்­பி­டப்­ப­டு­கின்­றன. டெப்ட் பண்ட்கள் பத்­தி­ரங்கள் போன்ற கடன் சார் முத­லீ­டு­களில் கவனம் செலுத்­து­கின்­றன. முத­லீடு விரி­வாக்­கத்­திற்கும் இவை உத­வு­கின்­றன.
எளிய வாய்ப்புமியூச்­சுவல் பண்ட் திட்­டங்­களில் மொத்­த­மா­கவும் முத­லீடு செய்­யலாம். அல்­லது தவணை முறை­யிலும் முத­லீடு செய்­யலாம். இந்த வகை­யான வாய்ப்பை, எஸ்.ஐ.பி., எனப்­படும் சிஸ்­ட­மேட்டிக் இன்­வெஸ்ட்மென்ட் பிளான் வழங்­கு­கி­றது. இவற்றில் குறைந்­த­பட்சம், 500 ரூபாயில் இருந்து துவங்­கலாம். மாதந்­தோறும் காலாண்டு என தேர்வு செய்து கொள்­ளலாம். புதி­ய­வர்­க­ளுக்கு இந்த முறை மிகவும் ஏற்­ற­தாக கரு­தப்­ப­டு­கி­றது. முத­லீடு தொடர்­பான ஒழுக்­கத்தை அளிப்­ப­தா­கவும் கரு­தப்­ப­டு­கி­றது.
செலவு கட்­டணம்மியூச்­சுவல் முத­லீ­டு­களை விரும்­பிய நேரத்தில் உட­ன­டி­யாக எடுத்­துக்­கொள்ளும் வாய்ப்பும் இருக்­கி­றது. ஆனால், மியூச்­சுவல் பண்ட் முத­லீட்டில் சில பாத­க­மான அம்­சங்­களும் உண்டு. அடிப்­ப­டையில் இரண்டு வகை­யான பண்ட்கள் உள்­ளன. ஓபன் எண்ட் பண்டில் எப்­போது வேண்­டு­மா­னாலும் நுழைந்து விரும்­பிய போது வெளி­யே­றலாம். ஆனால், குளோஸ்ட் எண்ட் பண்ட்­களில் 3 முதல் 5 ஆண்டு லாக் இன் காலம் உண்டு. மேலும், மியூச்­சுவல் பண்ட் முத­லீடு நிர்­வா­கத்­திற்கு ஆண்டு கட்­டணம் உண்டு. இவை செலவு விகிதம் என குறிப்­பி­டப்­ப­டு­கி­றது.
ஆலோ­சனை அவ­சியம்மியூச்­சுவல் பண்ட் முத­லீட்டின் பலன் என்.ஏ.வி., எனப்­படும் நெட் அசெட் வேல்­யூ­வாக குறிப்­பி­டப்­ப­டு­கி­றது. பண்ட்­களை யூனிட்­க­ளாக வாங்­கலாம். இது போன்ற அடிப்­ப­டை­யான அம்­சங்­களை அறிந்து கொள்­வது அவ­சியம். அதே போல மியூச்­சுவல் பண்ட் திட்­டங்கள் தொடர்­பான நோக்கம் மற்றும் ரிஸ்க் அம்­சங்­க­ளையும் தெரிந்து கொள்ள வேண்டும். முத­லீடு செய்யும் முன் முறை­யான ஆலோ­ச­னையை நாடு­வது நல்­லது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 01,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 01,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 01,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 01,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 01,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்