பதிவு செய்த நாள்
23 அக்2017
00:06
கடந்த வாரம், தேசிய பங்குச் சந்தை குறியீடு 'நிப்டி' புதிய வரலாற்று உச்சத்தை, அதாவது, 10,251 புள்ளிகளை எட்டியது. இருப்பினும், உயர்வு நிலைக்கவில்லை. சர்வதேச சந்தையில் ஏற்பட்ட வீழ்ச்சி காரணமாக, வியாழன் அன்று நடைபெற்ற தீபாவளி முகூர்த்த வியாபாரத்தின் போது, சரிவில் முடிவுற்றது.
அமெரிக்கா மற்றும் வடகொரியா இடையே அதிகரித்து வரும் அசாதாரண சூழலும், முன்னணி தனியார் வங்கிகளின், சாதகமற்ற இரண்டாம் காலாண்டு நிதி அறிக்கையும் இதற்கு காரணம் எனலாம். ஆக்சிஸ் வங்கியின் லாபம், கடந்த நிதியாண்டின், இரண்டாவது காலாண்டை விட, நடப்பு நிதியாண்டின் இரண்டாவது காலாண்டில் 35 சதவீதம் உயர்ந்துள்ளது. எனினும், மதிப்பீட்டு காலாண்டில், இதன் வாராக் கடன் அதிகரித்துள்ளதால், பங்கு விலை சரிவடைந்தது. அத்துடன், எச்.டி.எப்.சி. ஐ.சி.ஐ.சி.ஐ., கோட்டக் மகிந்திரா ஆகியவற்றின் இரண்டாம் காலாண்டு நிதி அறிக்கை, சந்தை எதிர்பார்ப்பை விட, குறைவாக இருந்ததால், ‘பேங்க் நிப்டி’ சரிவில் வர்த்தகமானது.
இந்த வாரம், இரு முக்கிய நிகழ்வுகள் சந்தையின் போக்கை தீர்மானிக்கும். முதலாவதாக, வியாழன் அன்று, F & O செட்டில்மென்ட் முடிவடைகிறது. இரண்டாவதாக, இன்போசிஸ், மாருதி, எச்.சி.எல்., ஐ.டி.சி., ஏசியன் பெயிண்ட்ஸ் போன்ற முன்னணி நிறுவனங்களின் இரண்டாவது காலாண்டு நிதி அறிக்கை வெளியாக உள்ளது.இது தவிர, 26ல், ஐரோப்பிய மத்திய வங்கியின் கூட்டம் நடைபெற உள்ளது. இதில், வட்டி விகித மாற்றம் குறித்த அறிவிப்பு இருக்காது என, எதிர்பார்க்கப்படுகிறது. அதேசமயம், அரசு கருவூல பத்திரங்கள் கொள்முதல் படிப்படியாக நிறுத்தப்படும் என்ற அறிவிப்பு வெளியாகலாம்.
மேலும், 27ல், அமெரிக்காவின் மூன்றாம் காலாண்டு ஜி.டி.பி., வளர்ச்சி விகிதம் குறித்த புள்ளி விவரம் வெளி வர உள்ளது. அதில், ஜி.டி.பி., முந்தைய காலாண்டை விட, 0.5 சதவீதம் குறைந்து, 2.6 சதவீதமாக இருக்கும் என, எதிர்பார்க்கப்படுகிறது. புதன் – வெள்ளி வரை ரிலையன்ஸ் நிப்பான் ஐ.பி.ஓ., காலமாகும். ஒரு பங்கின் விலை, 247 – 252 ஆக நிர்ணயிக்கப்பட்டுள்ளது.இந்த வாரத்தை பொறுத்தவரை, ‘நிப்டி’10,273 புள்ளிகள் என்பது, நல்ல ரெசிஸ்டென்ட் ஆகும். இதனை கடக்கும்போது, 10,320/380 அடுத்த இலக்காகும். சப்போர்ட் – 10,320, 9,950 ஆகும்.
கவனிக்க வேண்டிய பங்குகள்:
பெடரல் பேங்க், கோத்ரெஜ் அக்ரோவெட், கிரானியூல்ஸ், மதர்ஸ் டைரி, கேசிபி
-முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|