புதுடில்லி : இந்திய ஆட்டோமொபைல் சந்தையில் நடப்பு நிதி ஆண்டின் முதல் அரையாண்டில் (ஏப்ரல்-செப்டம்பர்), பயணிகள் வாகன ஏற்றுமதியில் மாருதி சுசுகி நிறுவனம் முதலிடம் பிடித்துள்ளது.

இந்த காலக்கட்டத்தில், மாருதி சுசுகி நிறுவனம் 57,300 பயணிகள் வாகனங்களை ஏற்றுமதி செய்திருக்கிறது. கடந்த நிதி ஆண்டின் இதே காலத்தில் மாருதி சுசுகி 54,008 வாகனங்களை ஏற்றுமதி செய்திருந்த நிலையில், மொத்த ஏற்றுமதி 6 சதவீதம் அதிகரித்துள்ளதால் இந்நிறுவனம் முதலிடத்தில் இருக்கிறது. வாகன ஏற்றுமதியில் ஃபோக்ஸ்வேகன் நிறுவனம் இரண்டாவது இடத்தில் உள்ளது. இந்நிறுவனத்தின் பயணிகள் வாகன ஏற்றுமதி 17 சதவீதம் வளர்ச்சி கண்டு 50,410-ஆக உயர்ந்துள்ளது. ஜெனரல் மோட்டார்ஸ் நிறுவனம் 45,222 பயணிகள் வாகனங்களை ஏற்றுமதி செய்து இருக்கிறது. சென்ற ஆண்டின் இதே மாதத்துடன் ஒப்பிடும்போது இது 48 சதவீத வளர்ச்சியாகும். இந்நிறுவனம் மூன்றாவது இடத்தில் உள்ளது.

நான்காவது இடத்தில் உள்ள ஹூண்டாய் மோட்டார் இந்தியா நிறுவனத்தின் ஏற்றுமதி 44,585-ஆக உள்ளது. சென்ற ஆண்டின் இதே காலத்துடன் ஒப்பிடும்போது இது 29 சதவீதம் சரிவாகும். ஃபோர்டு மற்றும் நிசான் மோட்டார் இந்தியா ஆகிய நிறுவனங்கள் ஐந்து மற்றும் ஆறாவது இடங்களில் இருக்கின்றன. இந்த நிறுவனங்களின் ஏற்றுமதி முறையே 42,412 மற்றும் 30,872-ஆக உள்ளது. முன்னணி கார்களின் பட்டியலில் மாருதி சுசுகி நிறுவனத்தின் மாடல்கள் தொடர்ந்து முன்னிலை வகிக்கின்றன. நடப்பு நிதி ஆண்டின் முதல் அரையாண்டில், டாப் 10 பட்டியலில் இந்நிறுவனத்தின் 7 மாடல்கள் இடம் பெற்றுள்ளன.

இந்த பட்டியலில் மாருதி ஆல்டோ முதலிடத்தைப் பிடித்துள்ளது. எனினும் செப்டம்பர் மாதத்தில் அதிகம் விற்பனையான 10 கார்களில் இந்நிறுவனத்தின் டிசையர் மாடல் முதலிடம் பிடித்துள்ளது.

மேலும் ஆட்டோமொபைல் செய்திகள்

மே மாத வாகன விற்பனை வளர்ச்சியை கண்ட நிறுவனங்கள் அக்டோபர் 26,2017

புதுடில்லி:கடந்த மே மாதத்தில், பயணியர் வாகனங்கள் விற்பனை நல்ல ஏற்றத்தையே வெளிப்படுத்தி உள்ளது.கடந்த ஆண்டு மே ... மேலும்

புத்துயிர் பெறுகிறது அம்பாசிடர்: தயாரிப்பு பணிகள் மும்முரம் அக்டோபர் 26,2017

புதுடில்லி–ஒருகாலத்தில் இந்திய கார்களின் அடையாளமாக கருதப்பட்ட ‘அம்பாசிடர்’ கார், மீண்டும் சாலையில் பவனிக்க ... மேலும்

இந்தியாவில் கார் விற்பனை திட்டத்தை தள்ளிவைத்தது ‘டெஸ்லா’ அக்டோபர் 26,2017

புதுடில்லி:உலகின் மிகப் பெரிய பணக்காரரான எலான் மஸ்க் தலைமையிலான, ‘டெஸ்லா’ நிறுவனம், இந்தியாவில் மின்சார கார் ... மேலும்

குஷாக் மாண்டே கார்லோ எடிஷனை அறிமுகப்படுத்தும் ஸ்கோடா அக்டோபர் 26,2017

மாண்டோ கார்லோ எடிஷனில் ஸ்கோடா ஆட்டோ தடம் பதித்தது. ஜொலிக்கும் வகையில் கண்கவர் புத்தம் புதிய குஷாக் மாண்டே ... மேலும்

ஹரியானாவில் புதிய ஆலை ‘மாருதி சுசூகி’ அறிவிப்பு அக்டோபர் 26,2017

புதுடில்லி:வாகன தயாரிப்பு நிறுவனமான ‘மாருதி சுசூகி’ ஹரியானாவில் புதிதாக ஒரு தொழிற்சாலையை அமைக்க ... மேலும்