அர­சி­யல் நிகழ்­வு­களை விட, பொரு­ளா­தார நிகழ்­வு­கள் வேகம் பிடிக்க துவங்கி உள்­ளன. ஆனா­லும், அவற்றை நாம் அதி­கம் கண்­டு­கொள்­ள­வில்லை. கச்சா எண்­ணெ­யின் விலை, 80 டாலரை கடந்­தது. டால­ருக்கு நிக­ரான ரூபா­யின் மதிப்பு, 68ஐ தொட்­டது. நாட்­டின் அன்­னிய செலா­வணி கையி­ருப்பு, நான்­கா­வது வார­மாக குறைந்­தது. நாட்­டின் வணிக பற்­றாக்­குறை விரிவு அடைந்­தது.

இவற்றை பொரு­ளா­தா­ரத்­திற்­கான எச்­ச­ரிக்கை மணி என்று சொன்­னால் மிகை அல்ல. இத்­த­கைய சூழல் வெகுகாலத்­திற்கு பின் தற்­போது உரு­வாகி உள்­ளது. பொரு­ளா­தா­ரச் சூழல்­கள் மாறு­வது அர­சு­க­ளின் கையில் இல்லை. ஆனால், அவற்­றின் தாக்­கம் அறிந்து செயல்­ப­டு­வது அர­சு­க­ளின் பொறுப்பு. இடை­யில் வரும் அர­சி­யல் நிர்­பந்­தங்­க­ளை­யும், நெருக்­க­டி­க­ளை­யும் கடந்து போகும் துணிவை, அரசு வெளிப்ப­டுத்த வேண்­டும்.

அரசு கொள்­கை:
இந்த அரசு அத்­த­கைய துணிவை இது­வரை வெளிப்­ப­டுத்தி இருந்­தா­லும், இந்த காலக்­கட்­டம் மிக முக்­கி­ய­மா­னது. வள­ரும் சூழ­லுக்கு ஏற்ப அரசு அமைக்­கும் வியூ­கங்­கள் கூர்ந்து கவ­னிக்­கப்­பட வேண்­டி­யவை. அந்த வியூ­கங்­களை அமைப்­ப­தில் அரசு காட்­டும் நாட்­ட­மும், தீவி­ர­மும், பொரு­ளா­தா­ரத்­தின் மீது, நீண்­ட­கால தாக்­கத்தை ஏற்­ப­டுத்­தும் வகை­யில் அமை­யும்.ஒரு முத­லீட்­டா­ள­ராக, அர­சி­டம் நாம் என்ன எதிர்­பார்க்க வேண்­டும்?

முத­லில், கடி­ன­மான கால­கட்­டத்­தில், கடி­ன­மான முடி­வு­களை எடுக்க அரசு துணிய வேண்­டும். பற்­றாக்­கு­றை­கள் வள­ராத வண்­ணம், நம் பொரு­ளா­தா­ரத்­திற்கு உகந்த முடி­வு­களை எடுக்க அரசு முனைய வேண்­டும். அன்­னிய நேரடி முத­லீ­டு­கள் தொடர்ந்து பெருக வழி­செய்ய வேண்­டும்.தொடர்ந்து பன்­னாட்டு முத­லீ­டு­கள் இந்­தி­யா­விற்கு வர வேண்­டு­மெ­னில், அரசு காட்­டும் துணிச்­ச­லும், சீர்­தி­ருத்த நகர்­வு­களும் விரைந்த செயல்­பா­டாக அமைய வேண்­டும். வாக்­கு­வங்கி அர­சி­ய­லுக்கு பணி­யா­மல், பொரு­ளா­தார மேலாண்­மை­யின் தரம் பாதிக்­காத வண்­ணம், அரசு கொள்­கை­களை நகர்த்த வேண்­டும்.

வலி­மை­யான பார­தம்:
குறு­கிய கால கஷ்­டங்க­ளுக்­கும், அர­சி­யல் நெருக்­க­டி­க­ளுக்­கும் அஞ்­சாது ஆட்சி செய்ய வேண்­டும்.இத்­த­கைய கால­கட்­டத்­தில், அரசு முடி­வெ­டுக்க தயங்­கி­னால், சந்தை சூழல், அர­சின் நிலை­மையை இக்­கட்­டில் கொண்டு போய் நிறுத்­தும் தன்மை கொண்­டது. அரசு தானே முன்­வந்து கடி­ன­மான முடி­வெ­டுக்­கும் பட்­சத்­தில், அவை தரும் சிர­மங்­கள், நிர்­பந்­தத்­தில் எடுக்­கும் முடி­வு­களை விட மித­மாக இருக்­கும். இதை அனை­வ­ரும் உண­ர­ வேண்­டும்.

உதா­ர­ண­மாக, பெட்­ரோ­லி­யப் பொருள்­களை, ஜி. எஸ். டி., சட்­டத்­திற்கு உட்­ப­டுத்­து­வது. இதற்கு அதிக துணிவு தேவை. மற்ற பொருட்­களில் இருந்து வரும் வரு­வாய் பெருக்­கத்தை சரி­யாக கணித்து, இந்த துணி­கர முடிவை எடுக்க வேண்­டும். மற்ற பொருள்­களில் வரி ஏய்ப்பை தடுத்து, அவற்­றில் வரி பெருக்­கம் ஏற்­பட்­டால், அதுவே அர­சுக்கு உரிய நிதி வலி­மையை தரும்.‘‘நல்ல பொரு­ளா­தா­ரமே நல்ல அர­சி­ய­லுக்கு வழி செய்­யும்’’ என்ற அடிப்­படை புரி­தலை, இந்த அரசு இது­வரை கடை­பி­டித்து வரு­கிறது. அந்த நம்­பிக்கை சார்ந்து, இனி அடுத்த கட்­டம் நோக்கி வேக­மாக நகர வேண்டி உள்­ளது. அப்­படி நகர்ந்­தால், இதை­யும் கடந்து ஒரு வலி­மை­யான பார­தம் அமை­யும்.

-ஷ்யாம் சேகர், முதலீட்டு ஆலோசகர்

மேலும் பங்கு வர்த்தகம் செய்திகள்

‘ஹிந்துஸ்தான் ஜிங்க்’ பங்குகள்அனைத்தையும் அரசு விற்கிறது மே 21,2018

புதுடில்லி,-–‘ஹிந்துஸ்தான் ஜிங்க்’ நிறுவனத்தின் அனைத்து பங்குகளையும் விற்க, மத்திய அரசு முடிவு ... மேலும்

8 சதவீத சரிவுடன் பங்குச்சந்தைகளில் பட்டியலானது எல்.ஐ.சி., பங்குகள்! மே 21,2018

மும்பை: மும்பை மற்றும் தேசிய பங்குச் சந்தைகளில் இன்று பட்டியலிடப்பட்ட எல்.ஐ.சி.,யின் பங்குகள் தொடக்கத்தில் 8 ... மேலும்

இன்று பட்டியலிடப்படும் எல்.ஐ.சி., பங்குகள்; மிகுந்த எதிர்பார்ப்பில் புதிய ... மே 21,2018

புதுடில்லி : பொதுத் துறையைச் சேர்ந்த ஆயுள் காப்பீட்டு நிறுவனமான எல்.ஐ.சி., அதன் பங்குகளை இன்று பங்குச் ... மேலும்

எல்.ஐ.சி., பங்குகள் 'லிஸ்டிங்' பலன் எப்படி இருக்கும்? மே 21,2018

எல்.ஐ.சி., பங்குகள் பட்டியலிடப்படும் போது அதன் செயல்பாடு எப்படி இருக்கும் என்பது தொடர்பான எதிர்பார்ப்பு ... மேலும்

‘இதாஸ்’ பங்கு வெளியீடு 18ம் தேதி துவங்குகிறது மே 21,2018

புதுடில்லி:ஆடம்பர வாட்சுகள் விற்பனையில் ஈடுபட்டு உள்ள ‘இதாஸ்’ நிறுவனத்தின் புதிய பங்கு வெளியீடு, 18ம் ... மேலும்