பதிவு செய்த நாள்
15 செப்2018
00:08
புதுடில்லி:கடந்த ஆகஸ்டில், நாட்டின் மொத்த விலை பணவீக்கம், நான்கு மாதங்களில் இல்லாத அளவிற்கு, 4.53 சதவீதமாக சரிவடைந்துள்ளது.
இது, ஜூலையில், 5.09 சதவீதமாக இருந்தது. கடந்தாண்டு ஆகஸ்டில், மொத்த விலை பணவீக்கம், 3.24 சதவீதமாக காணப்பட்டது.இந்தாண்டு ஏப்ரலில், மொத்த விலை பணவீக்கம், 3.62 சதவீதமாக குறைந்து காணப்பட்டது.
உணவு பொருட்கள்
மதிப்பீட்டு
மாதத்தில், உணவுப் பொருட்கள் விலை சரிவால், 4.04 சதவீதம் என்ற
அளவில் பணவாட்டத்தை கண்டுள்ளது. இது, ஜூலையில், 2.16 சதவீதமாக
இருந்தது.உணவுப் பொருட்களில், உருளைக்கிழங்கு விலை தொடர்ந்து
உச்சத்தில் உள்ளது. இப்பிரிவின் பணவீக்கம், 71.89 சதவீதமாக
இருந்தது.வெங்காயம் மற்றும் பழங்கள் முறையே, 26.80 சதவீதம்
மற்றும் 16.40 சதவீத பணவாட்டத்தை கண்டுள்ளன. இது, பருப்பு வகைகளில்,
14.23 சதவீதமாக இருந்தது.
இதே காலத்தில், காய்கறிகள் விலை
குறைந்ததால், 14.07 சதவீதத்தில் இருந்து, 20.18 சதவீதம் என்ற
அளவில் பணவாட்டம் அதிகரித்துள்ளது.
கச்சா எண்ணெய்
எரிபொருள் மற்றும் மின் துறைகளின் பணவீக்கம், 17.73 சதவீதமாக உயர்ந்துள்ளது.
சமையல்
எரிவாயு, பெட்ரோல் மற்றும் டீசல் பணவீக்கம், முறையே, 46.08
சதவீதம்; 19.90 சதவீதம் மற்றும் 16.30 சதவீதமாக இருந்தன. ஒரு
பீப்பாய் கச்சா எண்ணெய் விலை, 79 டாலரை
எட்டியுள்ளது.இதனால்,
நாட்டின் கச்சா எண்ணெய் இறக்குமதி செலவினம் அதிகரித்துள்ளது.
இதன் தாக்கத்தால், பெட்ரோல், டீசல் விலை தொடர்ந்து உயர்ந்து வருகிறது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|