பதிவு செய்த நாள்
05 ஜூலை2019
15:39
புதுடில்லி : இன்று தாக்கல் செய்யப்பட்ட மத்திய பட்ஜெட்டில் தங்கம், பெட்ரோல் - டீசல் மீதான வரி உயர்த்தப்பட்டுள்ளது. இதனால் தங்கம், பெட்ரோல் - டீசல் விலை உயர உள்ளது.
தங்கம் மீதான இறக்குமதி வரி 10 சதவீதத்தில் இருந்து 12.5 சதவீதமாக உயர்த்தப்பட்டுள்ளது. இதனால் தங்கம் - வெள்ளி விலை மேலும் அதிகரிக்க இருக்கிறது. தற்போதே 22காரட் தங்கம் 26 ஆயிரத்திற்கு விற்பனையாகும் நிலையில் இனி வரும் காலங்களில் ரூ.27 ஆயிரத்திற்கும் அதிகமாக விற்பனையாகும் என தெரிகிறது.
பெட்ரோல் மற்றும் டீசல் மீதான சிறப்பு கலால் வரி லிட்டருக்கு ரூ.1 அதிகரிக்கப்பட்டுள்ளது. இதனால் பெட்ரோல், டீசல் விலையும் மேலும் அதிகரிக்கும்.
* குறைந்த அளவிலான ஆன்லைன் பண வரிவர்த்தனைக்கு கட்டணம் கிடையாது.
* இணையதளம் மூலம் முக அடையாளம் இல்லாமல் வரி தாக்கல் செய்யலாம்.
* ஆண்டுக்கு ரூ.2 முதல் 5 கோடி வரை வருமானம் பெறுவோருக்கு 3 சதவீதம் வரியும், ரூ.5 கோடிக்கு மேல் வருமானம் பெறுவோருக்கு 7 சதவீத வரியும் விதிக்கப்படும்.
* பாதுகாப்பு துறை தொடர்பான தளவாட இறக்குமதிக்கு வரி விலக்கு
* தங்கம் இறக்குமதி வரி 10 சதவீதத்தில் இருந்து 12.5 சதவீதமாக உயர்த்தப்படும்.
* பெட்ரோல் மற்றும் டீசல் மீதான சிறப்பு கலால் வரி லிட்டருக்கு ரூ.1 அதிகரிப்பு
* மின்சார வாகனங்களுக்கு இறக்குமதியில் வரியில் இருந்து விலக்கு
* வெளிநாடுகளில் இருந்து இறக்குமதி செய்யப்படும் புத்தகங்களுக்கு 5 சதவீதம் வரி
* நேரடி நுகர்வோர் மின்சாதனங்களுக்கு நேரடி வரி விலக்கு* இ-வே பில்களுக்கு பதிலாக புதிய மின்னணு பில்கள் கொண்டு வரப்படும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|