மும்பை : கார்ப்பரேட் வரி குறைக்கப்பட்டதன் எதிரொலியாக இந்திய பங்குச்சந்தைகள் தொடர்ச்சியாக எழுச்சியுடன் உள்ளன. கடந்த வெள்ளியன்று சென்செக்ஸ் 2000க்கும் அதிகமான புள்ளிகள் உயர்ந்த நிலையில் இன்று(செப்.,23) மேலும் 1000 புள்ளிகள் ஏற்றம் கண்டன.

பொருளாதார மந்த நிலையை சரி செய்ய மத்திய அரசு பல்வேறு நடவடிக்கைகளை மேற்கொண்டு வருகிறது. அதன் ஒரு பகுதியாக கடந்த வெள்ளியன்று நிதியமைச்சர் நிர்மலா சீதாராமன், கார்ப்பரேட் வரியை 30 சதவீத்தில் இருந்து 25 சதவீதமாக குறைத்தார். இதன் எதிரொலியாக பங்குச்சந்தைகள் அன்றே அதிரடியாக ஏற்றம் கண்டன. ஒரே நாளில் இந்திய பங்குச்சந்தைகளில் முதலீட்டாளர்கள் முதலீடு 6.83 லட்சம் கோடியாக அதிகரித்தது. தொடர்ந்து அதன் தாக்கம் இன்றும் பங்குச்சந்தைகளில் எதிரொலிக்கிறது. இதனால் இன்றைய வர்த்தகமும் உயர்ந்து இருப்பதாக சந்தை வல்லுநர்கள் தெரிவித்துள்ளனர்.

இன்றைய வர்த்தகத்தில் எச்டிஎப்சி., ஐடிசி., எல்அண்ட்டி., ஐசிஐசிஐ., மாருதி, பஜாஜ் பைனான்ஸ், ஆக்சிஸ் நிறுவன பங்குகள் அதிக ஏற்றத்துடன் வர்த்தகமாகின.

ரூபாயின் மதிப்பு ஏற்ற - இறக்கம்

பங்குச்சந்தைகள் உயர்வுடன் இருந்த போதிலும் ரூபாயின் மதிப்பு ஏற்ற - இறக்கமாக இருந்தது. வர்த்தகநேர துவக்கத்தில் அந்நிய செலாவணி சந்தையில் அமெரிக்க டாலருக்கு எதிரான இந்திய ரூபாயின் மதிப்பு 9 காசுகள் சரிந்து ரூ.71.03ஆக வர்த்தகமானது. தொடர்ந்து காலை 10.50 மணியளவில் ரூபாயின் மதிப்பு 2 காசுகள் உயர்ந்து வர்த்தகமானது.

மேலும் பங்கு வர்த்தகம் செய்திகள்

  தினமலர் முதல் பக்கம்

வர்த்தகம் முதல் பக்கம் »

முதல் நபராக கருத்து தெரிவியுங்கள்!