புதுடில்லி : வரும் சோயா பருவத்தில், (அக்டோபர் - செப்டம்பர்), நாட்டின் சோயா புண்ணாக்கு ஏற்றமதி, 50 லட்சம் டன்னாக உயரும் என, எதிர்பார்க்கப்படுகிறது. சோயா உற்பத்தி அதிகரிப்பு மற்றும் சர்வதேச அளவில் இதற்கான தேவை உயர்வு போன்றவற்றால், இதன் ஏற்றுமதி கடந்த பருவத்தை விட, வரும் 2011-12ம் பருவத்தில், 2 லட்சம் டன் அதிகரித்து, 50 லட்சம் டன்னாக உயரும் என எதிர்பார்க்கப்படுகிறது. கடந்த பருவத்தில்,சோயா புண்ணாக்கு ஏற்றுமதி, 48 லட்சம் டன் என்ற அளவில் இருந்தது என, இந்திய சோயா பதப்படுத்துவோர் சங்கத்தின் ஒருங்கிணைப்பாளர், ராஜேஷ் அகர்வால் தெரிவித்தார். சர்வதேச அளவில், இந்திய சோயா புண்ணாக்கிற்கு அதிக வரவேற்பு உள்ளது. மற்ற நாடுகளின் போட்டியை எதிர்கொள்ளும் வகையில், இதன் விலையும் உள்ளது. இந்நிலையில், வரும் பருவத்தில், சோயா எண்ணெய் உற்பத்தி அதிகரிக்கும் என, மதிப்பிடப்பட்டுள்ளது. எனவே, சோயா புண்ணாக்கு ஏற்றுமதி இலக்கை, சுலபமாக எட்ட முடியும் என, அகர்வால் நம்பிக்கை தெரிவித்தார். சோயா உற்பத்தி, 11 சதவீதம் அதிகரித்துள்ளது. பல மாநிலங்களில், சாதகமான பருவ நிலை நிலவுகிறது. இதனால், இதன் உற்பத்தி எதிர்பார்த்த அளவிற்கு இருக்கும். சோயாவிலிருந்து, உற்பத்தி செய்யப்படும் எண்ணெய், சமையலுக்கும், மாற்று எரிபொருளாகவும் பயன்படுத்தப்படுகிறது. இதிலிருந்து கிடைக்கும், புண்ணாக்கு, கோழி மற்றும் கால்நடை தீவனமாக பயன்படுத்தப்படுகிறது. நாட்டின் மொத்த சோயா புண்ணாக்கு உற்பத்தியில், 70 சதவீதம் ஏற்றுமதி செய்யப்படுகிறது. நம் நாட்டிற்கு, பிரேசில் மற்றும் அர்ஜென்டினா ஆகியவை போட்டி ஏற்றுமதி நாடுகளாக உள்ளன. நம் நாட்டிலிருந்து, ஜப்பான், வியட்நாம், தென்கொரியா,சீனா போன்ற நாடுகளுக்கு, சோயா புண்ணாக்கு அதிகளவில் ஏற்றுமதி செய்யப்படுகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 05,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 05,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 05,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 05,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 05,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்