பதிவு செய்த நாள்
29 டிச2011
14:41
மும்பை: உலகின் தலைசிறந்த பேட்ஸ்மேன் சச்சின் . விளையாட்டு மட்டுமின்றி விளம்பரங்கள் மூலமும் கோடிக்கணக்கில் பணம் சம்பாதித்து வருகிறார். சச்சின் கடந்த செப்டம்பர் மாதம் மும்பை பாந்த்ரா மேற்கு பகுதியில் உள்ள பெரிகிராஸ் ரோட்டில் உள்ள புதிதாக கட்டப்பட்ட வீட்டில் குடியேறினார். 5 மாடி கொண்ட இந்த வீட்டின் மதிப்பு ரூ.80 கோடி ஆகும்.நவீன வசதிகளுடன் இந்த வீடு கட்டப்பட்டுள்ளது. நட்சத்திர ஓட்டலுக்கு இணையாக கட்டப்பட்ட இந்த வீட்டின் பேஸ்மண்டில் 40 முதல் 50 கார்களை ஒரே இடத்தில் நிறுத்தும் வசதி உள்ளது. சச்சின் இந்த வீட்டை ரூ.100 கோடிக்கு இன்சூரன்ஸ் செய்து உள்ளார். இரண்டு விதமாக இன்சூரன்ஸ் செய்யப்பட்டுள்ளது. முதல் இன்சூரன்ஸ் பாலிசி ரூ.75 கோடிக்கும், கூடுதலாக ரூ.25 கோடிக்கு இன்னொரு இன்சூரன்ஸ் பாலிசியும் எடுக்கப்பட்டுள்ளது. முதல் இன்சூரன்ஸ் பாலிசி தீ விபத்து, தீவிரவாத செயல்கள், இயற்கை பேரழிவு (நில நடுக்கம்) குண்டு வெடிப்பு ஆகியவற்றை உள்ளடக்கியது. இதற்காக சச்சின் ஆண்டு தோறும் ரூ.40 லட்சம் முதல் ரூ.50 லட்சம் தொகை செலுத்தலாம் என்று தெரிகிறது. தொழில் அதிபர் அனில் அம்பானியின் வீடு ரூ.150 கோடிக்கும், நடிகர் ஷாருக்கானின் வீடு ரூ.110 கோடிக்கும், அமிதாப்பச்சனின் வீடு ரூ.100 கோடிக்கும் இன்சூரன்ஸ் செய்யப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|