மும்பை:அமெரிக்க டாலருக்கு எதிரான ஆசிய நாடுகளின் கரன்சிகளின் மதிப்பில், இந்திய ரூபாய் தான் மிக கடுமையாக வீழ்ச்சி கண்டுள்ளது.நடப்பு 2013-14ம் நிதியாண்டின், ஏப்ரல் முதல் மே வரையிலான முதல் காலாண்டில், டாலருக்கு எதிரான ரூபாய் மதிப்பு, 8.6 சதவீதம் சரிவடைந்துள்ளது.அன்னிய முதலீடுகள்:அமெரிக்க மத்திய வங்கி, பொருளாதார ஊக்குவிப்பு திட்டத்தை நிறுத்த உள்ளதாக வெளியான தகவல், சீனாவின் நிதி நெருக்கடி போன்றவற்றால், இந்தியாவில் மேற்கொண்ட அன்னிய முதலீடுகள் அதிக அளவில் திரும்பப் பெறப்பட்டு வருகின்றன.
சென்ற ஜூன் மாதம் மட்டும், இந்திய கடன் பத்திரங்கள் மற்றும் பங்குகளில் செய்துள்ள முதலீட்டில், 700 கோடி டாலரை, அன்னிய நிதி நிறுவனங்கள் திரும்பப் பெற்றுள்ளன. டாலருக்கான தேவை:இதனால், கடந்த 10 ஆண்டுகளில் இல்லாத அளவிற்கு, ரூபாய் மதிப்பு, வீழ்ச்சி கண்டு உள்ளது.கடந்த ஜூன் 26ம் தேதி, இறக்குமதியாளர்களுக்கு, மாத இறுதிக்கான டாலர் தேவை :அதிகரித்து காணப்பட்டது.
அதே சமயம், அன்னிய நிதி நிறுவனங்கள், அதிக அளவில் பங்குகளையும், கடன்பத்திரங்களையும் விற்பனை செய்தன. இதனால், அன்று, வரலாறு காணாத அளவில், டாலருக்கு எதிரான ரூபாய் மதிப்பு, 60.72 ஆக வீழ்ச்சி கண்டது.நடப்பாண்டு ஜனவரி முதல், அன்னிய நிதி நிறுவனங்கள், கிட்டத்தட்ட, 1,500 கோடி டாலரை நிதிச் சந்தையில் முதலீடு செய்துள்ளன. அதே சமயம், கடந்த மே 27ம் தேதி முதல், ஜூன் இறுதி வரை, 800 கோடி டாலர் அளவிலான முதலீடுகளை அன்னிய நிதி நிறுவனங்கள், திரும்பப் பெற்றுள்ளன.கடந்த ஜுன் 28ம் தேதி, மாத இறுதி வர்த்தக நாளான வெள்ளிக்கிழமை நிலவரப்படி, டாலருக்கு எதிரான ரூபாய் மதிப்பு (59.38), கடந்த காலாண்டில், 8.6 சதவீதமாக சரிவடைந்துள்ளது.
இது, கடந்த 2003ம் ஆண்டுக்கு பிறகு காணப்பட்ட மிகப் பெரிய சரிவாகும்.தாய்லாந்து:மதிப்பீட்டு காலாண்டில், அமெரிக்க டாலருக்கு எதிரான தாய்லாந்தின் பாத் கரன்சி, 5.8 சதவீதமும், பிலிப்பைன்சின் நாட்டின் பெசே, 5.6 சதவீதமும் சரிவடைந்துள்ளன.அடுத்த இடங்களில், தென்கொரியாவின் வொன் (2.7 சதவீதம்), சிங்கப்பூர் டாலர் (1.9 சதவீதம்), மலேசியாவின் ரிங்கிட் (2.5 சதவீதம்) ஆகிய நாடுகளின் கரன்சிகள் உள்ளன.பிரிக் நாடுகளை பொறுத்தவரை, இந்தியாவை அடுத்து, ரஷ்யாவின் ரூபிள், தென்னாப்ரிக்காவின் ரன்ஸ், பிரேசிலின் பெசோ ஆகிய கரன்சிகளின் வெளிமதிப்பு குறைந்துள்ளது.
நேற்றைய நிலவரம் :நடப்பு ஜூலை மாதம், வாரத்தின் துவக்க வர்த்தக தினமான நேற்று, அமெரிக்க டாலருக்கு எதிரான ரூபாய் மதிப்பு, 0.14 காசு சரிவடைந்து, 59.52 ஆக இருந்தது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 02,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 02,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 02,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 02,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 02,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்