பதிவு செய்த நாள்
04 ஜன2014
14:01
காரில் "ஏசி' போடும்போது, மைலேஜ் குறையும் என்பது தெரிந்ததே. "ஏசி'யை அதிக கூலிங்கில் வைக்கும்போது, பெட்ரோலும் அதிகமாக செல்வாகுமா? அதேபோல் த்ராட்டல் ரெஸ்பான்சும்,"ஏசி'யை அதிகமாக வைத்திருப்பதை விட, குறைவாக வைத்திருக்கும்போது சிறப்பாக இருக்குமா?
"ஏசி' கம்ப்ரெஸ்ஸரி'ன் வேலைப் பளுவை, இன்ஜின் எடுத்துக் கொள்வதால், "மைலேஜ் குறைவது என்பது உண்மையே. ஆனால்,"ஏசி'யை குறைவாகவோ, அதிகமாகவோ வைப்பது, "ஏசி' கம்ப்ரெஸ்ஸ'ரை எவ்விதத்திலும் பாதிப்பதில்லை. குளிர்ந்த காற்றும், சூடு காற்றின் வரத்தை கட்டுப்படுத்தும் வால்வை மட்டுமே, "ஏசி' நாப் மாற்றுகிறது. எனவே, "ஏசி'யை அதிக குளிர்ச்சியாக வைப்பது, மைலேஜை மிகவும் குறைக்கும் என்றோ, த்ராட்டல் ரெஸ்பான்சை' குறைக்கும் என்றோ, கருத வேண்டியதில்லை.
நெடுஞ்சாலை பிரயாணத்திற்கு ஏற்ற, "டயர் பிரஷர்' என்ன? பொதுவான "டயர் பிரஷரை 'விட, அதிகமாக இருக்க வேண்டுமா அல்லது குறைவாக இருக்க வேண்டுமா?
பொதுவாக நெடுஞ்சாலை பயணத்தில் வேகம் கூடுதலாகவே இருக்கும். அதனால், டயர் அழுத்துவது அதிகமாகவே இருக்கும். இதனால், டயரின் சூடு அதிகரிக்கும் வாய்ப்பும் உண்டு. எனவே டயரின் அழுத்தத்தை, எப்பொழுதும் இருப்பதை விட, சற்றுக் கூடுதலாக வைப்பதே நல்லது. பொதுவாக, நீங்கள் டயர் பிரஷரை, 30/32 பிஎஸ்ஐ வைப்பீர்கள் என்றால், 33/35 பிஎஸ்ஐ அல்லது இன்னும் சற்றுக் கூடுதலாக, 35/37 பிஎஸ்ஐ வைத்துக் கொள்வது வசதியாக இருக்கும். டயர் பிரஷர் சற்றே கூடுதலாக இருந்தால் கூட, பரவாயில்லை. ஆனால், குறைவாக இருப்பதே, அதிக பாதிப்பை கொடுக்கக்கூடியது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|