பதிவு செய்த நாள்
29 மே2014
15:13
உலகெங்கும் மிக அதிகமாக விற்பனையாகும் பிக்-அப் ட்ரக்குகளுள் ஒன்றான, டிமேக்ஸ் தொகுப்பினை, இந்தியாவிலேயே தயாரித்துள்ளது இசூஸீ நிறுவனம். சென்னையில், கடந்த வாரம் அறிமுகம் செய்யப்பட்ட டிமேக்ஸ்-ஐ மூன்று மாடல்களை உள்ளடக்கி வருகிறது. டிமேக்ஸ் சிங்கிள் கேப் தட்டையான டெக் (சுமையேற்றும் பகுதி) கொண்டு வருகிறது. டிமேக்ஸ் ஸ்வேஸ் கேப் என்பது தட்டையான டெக் மற்றும் வளைவான டெக் என்ற இரண்டு தேர்வுகளில் கிடைக்கிறது.
சிறிய மற்றும் நடுத்தர தொழில் வர்த்தக நிறுவனங்களை, தங்கள் வாடிக்கையாளர்களாக குறிவைத்து, இத்தொகுப்பை கொண்டு வருகிறது இசூஸீ. இவை முறையே 5,99,000, 6,19,000 மற்றும் 7,09,000 என்ற விலைகளில் (எக்ஸ் ஷோரூம் - சென்னை) கிடைக்கும். இந்த திறன் மிகுந்த பிக் அப் ட்ரக்குகள் இன்ஜின் 2499 சிசி திறன் கொண்டே 4 சிலிண்டர் இன்டர்கூல்ட் டர்போசார்ஜட் டீசன் இன்ஜினாகும். இது 3600 ஆர்பிஎம்மில் 294 என்எம் இழுவிசையையும் வெளிப்படுத்துகிறது. 5 வேக மானுவல் ட்ரான்ஸ்மிஷன் கொண்டு இயங்கும் இந்த இன்ஜின் 1.2 டன் சுமையை அனாயசமாக ஏற்றிச்செல்ல உதவுகிறது.
நல்ல ஸ்டைலான வெளிப்புற தோற்றம் கொண்டுள்ள டிமேக்சின் உள் அமைப்பு ஓட்டுனருக்கு ஒரு எஸ்.யு.வி.,யில் பயணம் செய்யும் உணர்வை தருகிறது. தாராள இடவசதியுடன், 1.5 அடியுள்ள ஓட்டுனருக்கு பின்புறமுள்ள, கேபிள் பகுதியில் உடையக்கூடிய பொருட்களை பத்திரமாக ஏற்றிச் செல்லலாம். பவர் ஸ்டியரிங், பவர் வின்டோஸ், சூடும், குளிர்ச்சியும் தரக்கூடிய "ஏசி' மற்றும் சிறப்பான பாதுகாப்பு அம்சங்கள் இதில் உள்ளது. வேளாண்மை, சில்லரை விற்பனை, பால் பொருட்கள், பொறியியல் உற்பத்தி போன்ற சிறிய மற்றும் நடுத்தர தொழில் துறைகளின் வணிக ரீதியான பயன்பாட்டிற்கு ஏற்ற வகையில் உள்ளது டிமேக்ஸ்.
மேலும் சந்தையில் புதுசு செய்திகள்
|
Advertisement
|
Advertisement
|
Advertisement
|
|
|
|