பதிவு செய்த நாள்
24 ஜூன்2014
00:21
புதுடில்லி :சென்ற மே மாதத்தில், உலக நாடுகளின் ஒட்டு மொத்த உருக்கு உற்பத்தி, 14.10 கோடி டன்னாக உள்ளது.இதில், இந்தியாவின் பங்களிப்பு 5 சதவீதம் (70 லட்சம் டன்) என்ற அளவில் உள்ளது என, உலக உருக்கு கூட்டமைப்பு (டபிள்யூ.எஸ்.ஏ.,) தெரிவித்துள்ளது.
சீனாஅதேசமயம், சீனாவின் பங்களிப்பு, கிட்டத்தட்ட 50 சதவீதமாக அதாவது, 7.04 கோடி டன்னாக உள்ளது.மதிப்பீட்டு மாதத்தில், இந்தியாவின் உருக்கு உற்பத்தி, 1.6 சதவீதம் வளர்ச்சி கண்டுள்ள நிலையில், சீனாவில் இது, 2.6 சதவீதமாக உள்ளது.கணக்கீட்டு மாதத்தில், ஜப்பான் மற்றும் பிரேசில் நாட்டின் உருக்கு உற்பத்தி முறையே, 0.3 சதவீதம் மற்றும் 4.3 சதவீதம் சரிவடைந்து, 96 லட்சம் டன் மற்றும் 29 லட்சம் டன் என்ற அளவில் உள்ளன.
அதேசமயம், தென்கொரியாவின் உருக்கு உற்பத்தி, 11.4 சதவீதம் அதிகரித்து, 62 லட்சம் டன்னாக வளர்ச்சி கண்டுள்ளது. ரஷ்யா மற்றும் அமெரிக்காவில் இதன் உற்பத்தி முறையே, 0.6 சதவீதம் மற்றும் 1.4 சதவீதம் வளர்ச்சி கண்டு 61 லட்சம் டன் மற்றும் 75 லட்சம் டன் என்ற அளவில் உள்ளன.
ஐரோப்பா மற்றும் ஜெர்மனி (39 லட்சம் டன்), இத்தாலி (23 லட்சம்), பிரான்ஸ் (14 லட்சம்) மற்றும் ஸ்பெயின் (13 லட்சம் டன்) ஆகிய நாடுகளும் குறிப்பிடத்தக்க அளவிற்கு உருக்கு உற்பத்தியை மேற்கொண்டுள்ளன.சராசரிநடப்பாண்டு ஜனவரி முதல் மே வரையிலான ஐந்து மாத காலத்தில், உலக உருக்கு உற்பத்தி, 68.42 கோடி டன்னாக உள்ளது. இதில், இந்தியாவின் பங்களிப்பு, 3.46 கோடி டன் என்ற அளவில் உள்ளது.மதிப்பீட்டு காலத்தில், உலக உருக்கு உற்பத்தியின் சராசரி வளர்ச்சி, 2.4 சதவீதமாக உள்ள நிலையில், இந்தியாவில், இது, 1.9 சதவீதமாக உள்ளது என, டபிள்யூ.எஸ்.ஏ., மேலும் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|