பதிவு செய்த நாள்
23 ஜூலை2015
11:21
ஹுண்டாய் மோட்டார் இந்தியா நிறுவனம், இந்தியாவில், 1996 முதல் செயல்பட்டு வருகிறது. காஞ்சிபுரம் மாவட்டம், ஸ்ரீபெரும்புதூரில், இதன் தொழிற்சாலை உள்ளது. இந்த நிறுவனம் சார்பில் ‘இயான், சான்ட்ரோ ஜிங், ஐ10, ஐ20, எக்ஸ்சென்ட், எலன்ட்ரா’ உள்ளிட்ட கார்கள் உள்ளூரில் உற்பத்தியாகி விற்பனை செய்யப்படுகின்றன. ‘சொனட்டா, சான்டா பீ’ கார்கள், வெளிநாடுகளில் இருந்து இறக்குமதி செய்யப்பட்டு விற்பனை செய்யப்படுகின்றன.
ஹுண்டாய் நிறவனம், தற்போது, ஸ்போர்ட்ஸ் யுடிலிட்ட வைகிகள் – எஸ்.யு.வி., பிரிவில், ‘கிரெட்டா’ என்ற காரை அறிமுகம் செய்துள்ளது. இந்த கார், பெட்ரோல் மற்றும் டீசல் என இரண்டு வகைகளிலும் கிடைக்கும். பெட்ரோல் காரில், 1.6 லிட்டர் இன்ஜின் பொருத்தப்பட்டுள்ளது. டீசல் கார், 1.4 லிட்டர், 1.6 லிட்டர் என, இரண்டு வகை இன்ஜின் பிரிவுகளில் கிடைக்கிறது.
சிறப்பு அம்சங்கள்
* 1.6 லிட்டர் இன்ஜின் பொருத்தப்பட்ட காரில் மட்டும், 6 ஸ்பீடு ஆட்மோ மேடிக் கியர் பாக்ஸ் வசதி உள்ளது. மற்ற மாடல் கார்களில், மேனுவல் கியர் பாக்ஸ் வசதி உள்ளது.
* பெட்ரோல் கார், லிட்டருக்கு 15.29 கி.மீட்டர்; 1.4 லிட்டர் இன்ஜின் பொருத்தப்பட்ட டீசல் கார், 21.38 கி.மீட்டர்; 1.6 லிட்டர் இன்ஜின் டீசல் கார், 17.01 கி.மீ., மைலேஜ் தரும் என நிறுவனம் தரப்பில் தெரிவிக்கப் பட்டுள்ளது.
* இந்த காரின் விலை, 8.59 லட்சம் ரூபாய் (ஷோரூம், டில்லி) என, துவங்குகிறது. அதிகபட்சம் விலை கொண்ட காரில், 6 ஏர்பேக், கீலெஸ் என்ட்ரி, 7 அங்குல டச் ஸ்கிரீன் உள்ளிட்ட நவீன அம்சங்கள் இடம் பெற்றுள்ளன.
* துவக்க விலை காரில், பின் இருக்கையிலும் ஏ.சி., வசதி, ரிமோட் லாக்கிங், 4 ஸ்பீக்கர் ஆடியோ சிஸ்டம், ஆன்டி பிரேக்கிங் சிஸ்டம் – ஏ.பி.எஸ்., ஆகிய வசதிகள் உள்ளன.
* இந்த வாகனத்திற்கு, 15 ஆயிரம் பேர் முன் பதிவு செய்துள்ளது.
* மாதத்திற்கு, 5,500 கார்கள் உற்பத்தி செய்யப்படும்.
வாடிக்கையாளர் ஆர்வத்தை பொறுத்து, மாதத்திற்கு, 7,000 கார்கள் உற்பத்தி செய்யப்படும் என நிறுவனம் தரப்பில் தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|