பதிவு செய்த நாள்
13 ஜூலை2016
23:20
மும்பை : ‘உள்நாட்டில் பருத்தி விலை அதிகரித்துள்ளதால், நடப்பு, ஜூலை – செப்., காலாண்டில், நுாற்பாலைகளின் லாப வரம்பு குறையும்’ என, ஆய்வு நிறுவனமான,‘இக்ரா’ தெரிவித்துள்ளது.
இது தொடர்பாக, இந்நிறுவனம் வெளியிட்டுள்ள ஆய்வறிக்கை விபரம்: கடந்த சில ஆண்டுகளாக, பருத்தி விலை சரிவடைந்ததால் பாதிக்கப்பட்ட ஏராளமான விவசாயிகள், மாற்றுப் பயிருக்கு மாறினர். இதனால், பருத்தி பயிரிடும் பரப்பு குறைந்தது; பருத்தி உற்பத்தியும் சரிவடைந்தது.
நுாலிழைக்கான தேவை...இதையடுத்து, இடைத்தரகர்கள், அதிக அளவில் பருத்தியை கொள்முதல் செய்து, இருப்பு வைக்கத் துவங்கினர். இதன் காரணமாக, உள்நாட்டில் பருத்தியின் தேவை அதிகரித்து, அதன் விலை உயர்ந்துள்ளது.கடந்த ஏப்ரலில், 1 கிலோ பருத்தி, 90 – 92 ரூபாய்க்கு விற்பனையானது. இது தற்போது, 122 ரூபாயாக அதிகரித்து உள்ளது. சர்வதேச சந்தையை விட, உள்நாட்டில் பருத்தி விலை அதிகமாக உள்ளதால், அதன் ஏற்றுமதியும் குறைந்துள்ளது.
பருத்தி விலை உயர்வால், அதை சார்ந்துள்ள நுாற்பாலைகள் பாதிக்கப்பட்டுள்ளன. அவற்றின் மூலப்பொருட்கள் செலவினம் அதிகரித்துள்ளது. அத்துடன், உள்நாட்டில், நுாலிழைக்கான தேவையும் குறைந்துள்ளது. இத்தகைய இடர்ப்பாட்டிற்கு இடையிலும், சர்வதேச சந்தையில், நுாலிழை விலை அதிகரித்திருப்பது, நுாற்பாலைகளுக்கு சாதகமாக அமைந்துள்ளது.
ஏற்றுமதி நிறுவனங்களை பொறுத்தவரை, பருத்தி விலை உயர்வால் ஏற்பட்டுள்ள பாதிப்பை, நுாலிழை ஏற்றுமதியில் சரிசெய்து கொள்ளும் என, எதிர்பார்க்கப்படுகிறது. உள்நாட்டு சந்தையை சார்ந்துள்ள நிறுவனங்கள், நுாலிழை உற்பத்தியை குறைத்து, கையிருப்பில் உள்ளவற்றை விற்பனை செய்யும் என, எதிர்பார்க்கப்படுகிறது. நுாற்பாலைகள், நான்கு அல்லது ஐந்து மாதங்களுக்கு தேவையான பருத்தியை கையிருப்பில் வைத்திருப்பது வழக்கம்.
நிலையான பருத்தி விலைஅதன்படி, கடந்த மார்ச் மாதம், குறைந்த விலையில் கொள்முதல் செய்து, இருப்பு வைத்துள்ள பருத்தியும், நுாலிழை விலையேற்றமும், நுாற்பாலைகளுக்கு சாதகமான அம்சங்களாக உள்ளன. எனினும், தற்போது பருத்தி விலை உயர்வால் ஏற்பட்டுள்ள தாக்கம், இனி வரும் மாதங்களில், நுாற்பாலைகளின் லாப வரம்பில் எதிரொலிக்கும். ஜவுளி துறை லாபகரமாகச் செயல்பட, பருத்தி விலை நிலையாக இருப்பது அவசியம். பருத்தி விலை, வரும் மாதங்களில் சீரடையும் என, எதிர்பார்க்கப்படுகிறது. இவ்வாறு அதில் கூறப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|