பதிவு செய்த நாள்
05 நவ2016
04:31
புதுடில்லி : பிரிட்டனைச் சேர்ந்த, கிளாக்ஸோ ஸ்மித்கிளைன் நிறுவனம், பல்வேறு மருந்துகள், ‘ஹார்லிக்ஸ், சென்சோடைன்’ உள்ளிட்ட ஆரோக்கிய பராமரிப்பு பொருட்களை தயாரித்து வருகிறது. இந்நிறுவனத்தின், ஜி.எஸ்.கே., என்ற பெயர் சாயலில், ஐதராபாத்தைச் சேர்ந்த, ஜி.எஸ்.கே., லைப் சயன்சஸ் நிறுவனம், அதன் மருந்துகள், ரசாயன பொருட்கள் ஆகியவற்றை விற்பனை செய்து வந்தது. இதை எதிர்த்து, கிளாக்ஸோ ஸ்மித்கிளைன் நிறுவனம், டில்லி ஐகோர்ட்டில் வழக்கு தொடர்ந்தது. மூன்று ஆண்டுகளாக நடைபெற்று வந்த இவ்வழக்கில், பிரிட்டன் நிறுவனத்தின், ஜி.எஸ்.கே., என்ற காப்புரிமை பெயரை, ஜி.எஸ்.கே., லைப் சயன்சஸ் பயன்படுத்த, தடை விதிக்கப்பட்டு உள்ளது. ஜி.எஸ்.கே., என்ற பெயர் அச்சிடப்பட்ட, ‘பேக்கிங்’ அட்டைகள், ‘லேபிள்’கள் ஆகியவற்றை, பிரிட்டன் நிறுவனத்திடம் வழங்கி, அழிக்க வேண்டும் எனவும் உத்தரவிடப்பட்டு உள்ளது. அதே சமயம், இழப்பீடு கோரிக்கையை, ஐகோர்ட் நிராகரித்து விட்டது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|