பதிவு செய்த நாள்
01 ஆக2017
23:54
புதுடில்லி : மாருதி சுசூகி இந்தியா நிறுவனம் வெளியிட்டுள்ள அறிக்கை: நிறுவனத்தின் மொத்த கார்கள் விற்பனை, ஜூலையில், 20.6 சதவீதம் அதிகரித்து, 1.65 லட்சமாக உயர்ந்துள்ளது. இது, கடந்த ஆண்டு இதே மாதத்தில், 1.37 லட்சமாக இருந்தது. இது, நிறுவனத்தின் அதிகபட்ச மாத விற்பனையாகும்.
இதே காலத்தில், உள்நாட்டு விற்பனை, 22.4 சதவீதம் உயர்ந்து, 1.26 லட்சத்தில் இருந்து, 1.54 லட்சமாக அதிகரித்துள்ளது. மேலும், சிறிய வகை ஆல்டோ மற்றும் வேகன் ஆர் கார்கள் விற்பனை, 20.7 சதவீதம் ஏற்றம் கண்டு, 42 ஆயிரத்து, 310 ஆக அதிகரித்துள்ளது.
மதிப்பீட்டு மாதத்தில், காம்பேக்ட் பிரிவைச் சேர்ந்த, சுவிப்ட், எஸ்டிலோ, டிசையர் உள்ளிட்ட கார்கள் விற்பனை, 25.3 சதவீதம் உயர்ந்து, 63 ஆயிரத்து, 116 ஆக உள்ளது. இது, கடந்த ஆண்டு இதே மாதத்தில், 50 ஆயிரத்து, 362 ஆக இருந்தது. பயன்பாட்டு வாகனங்களான, எர்டிகா, எஸ் – கிராஸ் மற்றும் விட்டாரா பிரெஸ்ஸா கார்கள் விற்பனை, ஜூலையில், 48.3 சதவீதம் அதிகரித்து, 25 ஆயிரத்து, 781 ஆக வளர்ச்சியடைந்து உள்ளது. நிறுவனத்தின் ஏற்றுமதி, ஜூலையில், 11 ஆயிரத்து, 345 ஆக அதிகரித்துள்ளது. இவ்வாறு அதில் கூறப்பட்டு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|