பதிவு செய்த நாள்
10 ஆக2017
07:11
சார், வேலை பணியாளரும், பணி அளிப்பவரும் ஒரே மாநிலத்தில் தான் இருந்தாக வேண்டுமா? வெளி மாநிலத்தில்உள்ள, ‘ஜாப் ஒர்க்’ பணியாளருக்கு அனுப்ப தடை ஏதேனும் உள்ளதா? தெளிவுபடுத்துங்கள்.– சுதாகர், வாணியம்பாடிஜி.எஸ்.டி., சட்டத்தில், அப்படி எதுவுமில்லை. பணி அளிப்பவரும், வேலை பணியாளரும் ஒரே மாநிலத்திலும் இருக்கலாம் அல்லது வெவ்வேறு மாநிலத்திலும் இருக்கலாம். எந்த தடையும் கிடையாது.
ஐயா, தவணை கொள்முதல் திட்டத்தில் வழங்கப்படும் சரக்குகள், சரக்கு வழங்கலாக கருதப்படுமா அல்லது சேவை வழங்கலாக கருதப்படுமா? எனக்கு குழப்பமாக உள்ளது.– சந்திரன், திண்டுக்கல்எந்தவித குழப்பமும் தேவையில்லை. தவணை கொள்முதல் திட்டத்தில் வழங்கப்படும் சரக்குகள், சரக்கு வழங்கலாகவே கருதப்படும். ஏனெனில், அதில், பொருளின் உரிமையாளர் மாற்றம் வருங்கால தேதியில் நிகழ்கிறது. அது, சேவையாக கருதப்பட மாட்டாது.
சார், ‘ஷேர் மார்க்கெட்’டிலிருந்து ஒரு கம்பெனியின் பங்குகளை வாங்கும் போது, எத்தனை சதவீதம் வரி விதிக்கப்படும்?– சேகர், ஆரணிபங்குச் சந்தையில், கம்பெனியின் பங்குகளை வாங்குவதற்கு, ஜி.எஸ்.டி.,யிலிருந்து விலக்கு அளிக்கப்பட்டு உள்ளது. எனவே, இத்தகைய பரிவர்த்தனைக்கு, ஜி.எஸ்.டி., விதிக்கப்பட மாட்டாது.
ஐயா, ஜி.எஸ்.டி., சட்டத்தின்படி, ஒரு பொருளை மூலதன சரக்காக கருத விதி ஏதும் உள்ளதா?– கர்ணன், பழவேற்காடுசென்வாட் விதிகளின் கீழ், இது, முன் வரையறுக்கப்பட்டிருந்தது. தற்போது, ஜி.எஸ்.டி., சட்டத்திலேயே, இதற்கான வரைமுறை விளக்கம் அளித்துள்ளனர். மூலதன சரக்குகள் என்பது, பதிவு செய்யப்பட்ட நபரின் வரவு – செலவு புத்தகத்தில், மூலதனமாக்கப்பட்டதன் (கேப்பிட்டல்) சரக்குகளை குறிக்கும். அதற்கான உள்ளீட்டு வரி பயன் முழுவதையும் பெற்றுக் கொள்ளலாம்.
உற்பத்தியாளர்கள் மற்றும் சேவை வழங்குபவர்களால், இணைப்பு வரி திட்டத்தில் சலுகை பெற முடியுமா?– வனிதா, பரமக்குடிஉற்பத்தியாளர்கள், தொகுப்பு வரி திட்டத்தை தேர்வு செய்ய முடியும். உணவகங்களைத் தவிர, மற்ற சேவைகளுக்கு இத்திட்டத்தை பெற முடியாது.
‘கன்சல்ட்டிங்’ துறையில் பணி செய்து வருகிறேன். என் வருமானம், 20 லட்சம் ரூபாயை தாண்டும் போது பதிவு செய்தால் போதுமா அல்லது சேவை புரியும் போது பதிவு செய்ய வேண்டுமா?– கதிர்வேல், எண்ணுார்உங்களின் சேவை வருமானம், 20 லட்சம் ரூபாயை தாண்டும் போது பதிவு செய்தால் போதும். ஆனால், அதுவரை நீங்கள் வரி வசூல் செய்யக் கூடாது. மேலும், நீங்கள் வெளி மாநில வழங்கலில் ஈடுபட முடியாது.
ஐயா, நாங்கள், தகர டின்கள் மற்றும் தகரத்தின் வேஸ்ட் மற்றும் ஸ்க்ராப் பொருட்கள் மொத்த வழங்கலில் ஈடுபட்டுள்ளோம். இதற்குரிய, எச்.எஸ்.என்., குறியீடு என்ன? இதற்கு, எத்தனை சதவீதம் வரி விதிக்க வேண்டும்?– விக்ரம், சென்னைதகர டின்கள் மற்றும் ஸ்க்ராப் பொருட்களுக்கு, நீங்கள், 18 சதவீதம் வரி விதிக்க வேண்டும். இது, 8002 எனும், எச்.எஸ்.என். குறியீட்டின் கீழ் வரும்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|