கரன்சி நிலவரம் ...
சரக்கு ஏற்றுமதிக்கு, ‘சுய சீல்’; அக்., 1 முதல் அமலாகிறது ...பதிவு செய்த நாள்
07 செப்2017
00:10
அரசு விதிக்கும் அபராதம் மற்றும் தண்டனை தொகைக்கும், ஜி.எஸ்.டி., விதிக்கப்படுமா? ஆம் எனில், எத்தனை சதவீதம் வரி வரும்?– அன்பழகன், சென்னை
அரசுக்கு செலுத்த வேண்டிய அபராதம் மற்றும் தண்டனை தொகைக்கு, ஜி.எஸ்.டி., விதிக்கப்படாது.
*****
நாங்கள், அரிசி ஆலையில் இருந்து, தவிடை கொள்முதல் செய்கிறோம். அதை எங்களிடமிருந்து பெறுபவர்கள், கால்நடை மற்றும் கோழி தீவனமாக உபயோகப்படுத்துகின்றனர். அரிசி தவிடிற்கு, ஜி.எஸ்.டி., உண்டா அல்லது இதற்கு விலக்கு அளிக்கப்பட்டு உள்ளதா?– ராமலிங்கம், உடுமலைப்பேட்டை
அரிசி தவிடிற்கு, 5 சதவீதம், ஜி.எஸ்.டி., விதிக்கப்படும். அதுவே, கால்நடை மற்றும் கோழி தீவன உபயோகத்திற்காக விற்பனை செய்தால், அதற்கு, ஜி.எஸ்.டி., இல்லை.
*****
ஐயா, நான், பொதுப்பணித் துறையில் பதிவு பெற்ற முதல்நிலை ஒப்பந்ததாரராக உள்ளேன். நீர்நிலை ஆதார கட்டுமானம் மற்றும் கட்டட பிரிவுகளில், வேலைகள் செய்கிறேன். அதற்கு, எங்களது பில்லில், ஜி.எஸ்.டி., – டி.டி.எஸ்., பிடித்தம் செய்யப்பட வேண்டிய சதவீதம் எவ்வளவு?– ரவிச்சந்திரன், கிருஷ்ணகிரி
ஜி.எஸ்.டி., சட்ட விதிகளின்படி, அரசு மற்றும் அதை சார்ந்த குறிப்பிட்ட நபர்களுக்கு, வரி விதிக்கக்கூடிய வழங்கலை வழங்கினால், அதற்கான தொகையை, வழங்குனரிடம் அளிக்கும் போது, 2 சதவீதம், ஜி.எஸ்.டி., பிடித்தம் செய்து, மீதி தொகையை அளிக்க வேண்டும். ஆனால், இந்த வரி பிடித்தம் செய்யும் முறை இன்னும் அமலாக்கப்படவில்லை. எனவே, தங்களுடைய பில்லில், ஜி.எஸ்.டி., – டி.டி.எஸ்., எனும் வரி பிடித்தம் செய்யாமல் தொகையை அளிப்பர்.
*****
நாங்கள், பழைய பிளாஸ்டிக் மற்றும் பிளாஸ்டிக் கழிவுகளை மொத்த விற்பனை செய்தால், எத்தனை சதவீதம் வரி விதிக்க வேண்டும்?– முகமதுகனி, கடலுார்
நீங்கள் மேற்கூறிய பிளாஸ்டிக் கழிவு வகைகளுக்கு, 18 சதவீதம் வரி விதிக்க வேண்டும். இதை, 3915 எனும், எச்.எஸ்.என்., குறியீட்டில் வகைப்படுத்த வேண்டும்.
*****
சார், வியாபார சமூகத்தினருக்கு, ‘கேள்விகள் ஆயிரம்’ பகுதி பெரிதும் உதவியாக இருக்கிறது. தங்களுக்கு நன்றி. நான், தக்காளி மொத்த விற்பனையாளராக இருக்கிறேன். விவசாயிகளிடம் இருந்து தக்காளியை நேரடியாக வாங்கும் போது, நான், ஜி.எஸ்.டி., செலுத்துவதில்லை. விலக்கு அளிக்கப்பட்ட இதற்கு, 0702 எனும் குறியீட்டில் வகைப்படுத்துகிறோம். இவற்றை வெளிமாநிலத்திற்கு விற்கும் போது, வரி செலுத்த வேண்டுமா? நான் விற்பனை செய்யும் போது, வரி வசூல் செய்ய வேண்டுமா?– கிருஷ்ணசாமி கோவிந்தன், சென்னை
பெரும்பாலான காய்கறி வகைகளுக்கு, ஜி.எஸ்.டி.,யிலிருந்து விலக்கு அளிக்கப்பட்டு உள்ளது. நீங்கள் குறிப்பிட்டபடி, தக்காளி, 0702 எனும், எச்.எஸ்.என்., குறியீட்டில் வகைப்படுத்தி, அதற்கு வரி விலக்கு அளிக்கப்பட்டு உள்ளது. எனவே, இதற்கு நீங்கள் கொள்முதலில் வரி செலுத்த வேண்டாம்; விற்பனையிலும் வரி செலுத்த வேண்டாம். நீங்கள் வெளி மாநிலத்திற்கு விற்றாலும், இதற்கு வரி விதிக்கப்படாது.
*****
சார், நாங்கள், குண்டு மிளகாய் மொத்த விற்பனையாளர்கள். எங்களுடைய ஆண்டு விற்பனை, 75 லட்சம் ரூபாய் – 80 லட்சம் ரூபாய் வரை இருக்கும். குண்டு மிளகாய்க்கு, ஜி.எஸ்.டி., உண்டா?– ராஜா, பரமக்குடி
குண்டு மிளகாய்க்கு, 5 சதவீதம், ஜி.எஸ்.டி., விதிக்கப்படும்.
*****
நாங்கள், கணினி வன்பொருள் சேவையில் உள்ளோம். இந்த சேவையை குறிப்பிட்டு, ஜி.எஸ்.டி., பதிவை பெற்றுவிட்டோம். தற்போது, எங்களால் இதே, ஜி.எஸ்.டி., எண்ணின் கீழ், வேறு வகையான வழங்கலில் ஈடுபட முடியுமா?– அனாலிட்டிகல் இன்ஜின், சென்னை
நீங்கள் இதே, ஜி.எஸ்.டி., பதிவு எண்ணை கொண்டு, வேறு விதமான வழங்கலில் ஈடுபடலாம். உங்களுடைய, ஜி.எஸ்.டி., போர்ட்டலில், புதிய வழங்கலின் விபரத்தை பதிவேற்றம் செய்து, மேம்படுத்திக் கொள்ளலாம்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
தினமலர் முதல் பக்கம்|
|
|
Advertisement
|
| Advertisement
|
| Advertisement
|
|
|
|
|
|