பதிவு செய்த நாள்
15 அக்2017
04:09
புதுடில்லி, அக். 15–நாட்டின் ஏற்றுமதி வளர்ச்சி, ஆறு மாதங்களில் இல்லாத வகையில், செப்டம்பரில் அதிகரித்துள்ளது. தொடர்ந்து, 13 மாதங்களாக, ஏற்றுமதி உயர்ந்து வருகிறது.இது குறித்து, மத்திய வர்த்தகம் மற்றும் தொழில் துறை அமைச்சகம் வெளியிட்டுள்ள அறிக்கை:நாட்டின் ஏற்றுமதி, செப்டம்பரில், 25.67 சதவீதம் உயர்ந்து, 2,861 கோடி டாலராக அதிகரித்துள்ளது. இதற்கு முன், மார்ச்சில் ஏற்றுமதி வளர்ச்சி, அதிகபட்சமாக, 27.5 சதவீதத்தை எட்டியிருந்தது.ரசாயனங்கள், பெட்ரோலிய பொருட்கள், பொறியியல் சாதனங்கள் ஆகியவை, ஏற்றுமதி வளர்ச்சிக்கு துணை புரிந்துள்ளன. இந்த மூன்று துறைகளின் ஏற்றுமதி, முறையே, 46 சதவீதம், 37 சதவீதம் மற்றும் 44.2 சதவீதம் உயர்ந்துள்ளன.அதே சமயம், கைவினைப் பொருட்கள், இரும்புத் தாது, பழங்கள் மற்றும் காய்கறிகள் ஏற்றுமதி வளர்ச்சி, பின்னடைவைக் கண்டுள்ளது.செப்டம்பரில், இறக்குமதியும், 18.09 சதவீதம் உயர்ந்து, 3,760 கோடி டாலராக அதிகரித்துள்ளது. இது, 2016 செப்டம்பரில், 3,183 கோடி டாலராக இருந்தது.அதே சமயம், இதே காலத்தில், நாட்டின் வர்த்தகப் பற்றாக்குறை, 900 கோடி டாலரில் இருந்து, 898 கோடி டாலராக குறைந்துள்ளது.மதிப்பீட்டு மாதத்தில், தங்கம் இறக்குமதி, 5 சதவீதம் குறைந்து, 171 கோடி டாலராக சரிவடைந்து உள்ளது. எண்ணெய் மற்றும் எண்ணெய் சாரா பொருட்கள் இறக்குமதி, முறையே, 18.47 சதவீதம் மற்றும் 17.98 சதவீதம் குறைந்து, 818 கோடி டாலர் மற்றும் 2,940 கோடி டாலராக இறக்கம் கண்டுள்ளது.நடப்பு நிதியாண்டில், ஏப்., – செப்., வரையிலான அரையாண்டில், ஏற்றுமதி, 11.52 சதவீதம் அதிகரித்து, 14,718 கோடி டாலராக உயர்ந்துள்ளது.இதே காலத்தில், இறக்குமதி, 25.08 சதவீதம் அதிகரித்து, 21,931 கோடி டாலராக ஏற்றம் கண்டுள்ளது. இதையடுத்து, நாட்டின் வர்த்தகப் பற்றாக்குறை, 7,212 கோடி டாலராக உள்ளது.இவ்வாறு அதில் கூறப்பட்டுள்ளது.
இனி எல்லாம் ஏற்றம் தான்‘ஜி.எஸ்.டி., நடைமுறையில், ஏற்றுமதியாளர்கள் சந்தித்து வரும் பிரச்னைகளுக்கு, தீர்வு காணப்படும்’ என, மத்திய அரசு தெரிவித்துள்ளது. அதனால், வரும் மாதங்களில், ஏற்றுமதி மேலும் அதிகரிக்கும். அதே சமயம், ஸ்திரமற்ற சர்வதேச நிலவரம்; ரூபாய் மதிப்பின் ஏற்ற, இறக்கம்; முன்னேறிய நாடுகளின் பாதுகாப்புவாத கொள்கை போன்றவை, ஏற்றுமதி வளர்ச்சிக்கு தொடர்ந்து தடைக்கற்களாக உள்ளன.கணேஷ் குப்தா தலைவர், இந்திய ஏற்றுமதி நிறுவனங்கள் கூட்டமைப்பு
13 மாதங்களாகஇந்தியாவின் வளர்ச்சி வரலாறு திரும்புகிறது. 13 மாதங்களாக, ஏற்றுமதி வளர்ச்சி கண்டு வருகிறது. 2016 செப்., உடன் ஒப்பிடும் போது, இந்தாண்டு செப்டம்பரில் ஏற்றுமதி, 25.6 சதவீதம் ஏற்றம் கண்டுள்ளது. இதே காலத்தில், முதல், 10 இடங்களில் உள்ள, அனைத்து பிரிவுகளின் ஏற்றுமதி உயர்ந்துள்ளது; மொத்த ஏற்றுமதி வளர்ச்சியில், இவற்றின் பங்கு, 82.14 சதவீதமாக உள்ளது.சுரேஷ் பிரபு, மத்திய அமைச்சர், வர்த்தகம் – தொழில் துறை
மேலும் பொது செய்திகள்
|
Advertisement
|
Advertisement
|
Advertisement
|
|
|
|