மத்திய பட்ஜெட்டில் அறிவிக்கப்பட்டுள்ள வருமான வரி சலுகை முழு பலனைப்பெற, அதற்கேற்ற வகையில் வரி திட்டமிடல் செய்ய வேண்டும்.

பல்­வேறு தரப்­பி­ன­ரின் எதிர்­பார்ப்பை நிறை­வேற்­றும் வகை­யில், மத்­திய இடைக்­கால பட்­ஜெட் அமைந்­துள்­ளது. அதி­லும் குறிப்­பாக, நடுத்­தர வர்க்­கத்­தைச்­சேர்ந்­த­வர்­க­ளின் நீண்ட கால எதிர்­பார்ப்­பான வரு­மான வரிச்­ச­லுகை விஷ­யத்­தில், பட்­ஜெட் ஏமாற்­றம் அளிக்­கா­மல் மகிழ்ச்­சியை ஏற்­ப­டுத்­தி­யுள்­ளது. ஆண்­டுக்கு, 5 லட்­சம் ரூபாய் வரை ஈட்­டு­ப­வர்­கள், வரு­மான வரி செலுத்த வேண்­டிய அவ­சி­யம் வராது என, பட்­ஜெட்­டில் குறிப்­பி­டப்­பட்­டுள்­ளது.

எனி­னும், பர­வ­லாக எதிர்­பார்க்­கப்­பட்­டது போல, வரு­மான வரி விலக்கு உச்­ச­வ­ரம்பு உயர்த்­தப்­ப­ட­வில்லை. மாறாக, ‘டேக்ஸ் ரிபேட்’ எனும் சலுகை வாயி­லாக இது சாத்­தி­ய­மாக்­கப்­பட்­டுள்­ளது.

எப்­படி செயல்­ப­டு­கிறது?வழக்­க­மாக, ஆண்டு வரு­மா­னம், 2.5 லட்­சம் ரூபாய் வரை இருந்­தால் வரு­மான வரி செலுத்த வேண்டாம். கூடு­த­லாக வரு­மா­னம் பெறு­ப­வர்­கள், தங்­கள் வரு­மான வரி வரம்­பிற்கு ஏற்ப வரி செலுத்த வேண்­டும். இதில் எந்த மாற்­ற­மும் செய்­யப்­ப­ட­வில்லை. எனவே, 2.5 லட்­சம் ரூபாய்க்கு கூடு­த­லாக ஆண்டு வரு­மா­னம் இருந்­தால், வரு­மான வரி வரம்பு பொருந்­தும். ஆனால், ஆண்டு வரு­மா­னம் 5 லட்­சம் ரூபாய் வரை இருந்­தால், டேக்ஸ் ரிபேட் எனப்­படும் வரி தள்­ளு­படி வாயி­லாக வரிச்­ச­லு­கையை பெற வழி செய்­யப்­பட்­டுள்­ளது.

வரு­மான வரி சலு­கை­யில், வரி விலக்கு (டாக்ஸ் எக்­சம்­ஷன்), வரி கழிவு (டாக்ஸ் டிடக்­‌ஷன்) மற்­றும் வரி தள்­ளு­படி (டாக்ஸ் ரிபேட்) ஆகிய மூன்று அம்­சங்­கள் இருக்­கின்­றன. வரி விலக்கு என்­பது அடிப்­ப­டை­யான விலக்கு. இந்த வரம்­பிற்கு கீழ் இருந்­தால் வரி செலுத்த வேண்­டாம். வரி கழிவு என்­பது குறிப்­பிட்ட செல­வு­கள் மற்­றும் முத­லீ­டு­க­ளுக்கு கோரப்­படும் கழி­வு­க­ளா­கும்.

வரு­மான வரி வரம்­பிற்­குள் இருந்­தா­லும், குறிப்­பிட்ட தொகைக்கு கீழ் இருந்­தால், டாக்ஸ் ரீபேட் எனப்­படும் வரி தள்­ளு­ப­டியை கோர­லாம். வரு­மான வரி சட்­டம், 87 ஏ பிரி­வின் கீழ், இந்த சலுகை வழங்­கப்­ப­டு­கிறது.இந்த பிரி­வின் கீழ், இது­வரை, 3.5 லட்­சம் ரூபாய் வரை வரு­மா­னம் உள்­ள­வர்­கள் 2,500 ரூபாய் வரி தள்­ளு­படி பெற­லாம் என இருந்­தது. இது தற்­போது, 12,500 ரூபா­யாக உயர்த்­தப்­பட்­டுள்­ளது.

இதன் படி, ஆண்டு வரு­மா­னம், 5 லட்­சம் ரூபாய் வரை இருந்­தால் வரி செலுத்த வேண்­டாம். ஆனால், வரு­மான வரி கணக்கு தாக்­கல் செய்தே இதை பெற முடியும்.திட்­ட­மி­டல் தேவைவரி சேமிப்பு செய்­தி­ருந்­தால், 6.5 லட்­சம் வரை வரு­மா­னம் பெறு­ப­வர்­களும் இந்த சலு­கையை பெற வாய்ப்­புள்­ளது. ஆனால், இந்த தொகைக்கு, ௧ ரூபாய் அதி­க­மானா­லும் வரி சலுகை பொருந்­தாது.

எனவே, இந்த சலுகை பெற வரி திட்­ட­மிலை மேற்­கொள்­வது மிக­வும் முக்­கி­ய­மா­கிறது. பொருந்­தக்­கூ­டிய கழி­வு­கள் மற்­றும் சலு­கை­களை பயன்­ப­டுத்­திக்­கொண்டு, வரு­மா­னத்தை இந்த வரம்­பிற்­குள் கொண்டு வர­லாம். அதே போல, ‘80 சி’ பிரி­வின் கீழ் வரி சேமிப்பு முத­லீ­டுகளை மேற்­கொண்டு சலு­கையை பயன்­ப­டுத்­திக் ­கொள்­ள­லாம்.

இவற்றை செய்­தும், வரு­மா­னம் வரம்­பிற்கு அதி­க­மாக இருந்­தால், தேசிய பென்­ஷன் திட்­ட­மான என்பி.எஸ்., முத­லீட்­டிற்கு அளிக்­கப்­படும் கூடு­தல், 50 ஆயிரம் ரூபாய் சலு­கையை பயன்­ப­டுத்­திக்­கொள்­ள­லாம். மேலும் மருத்­துவ காப்­பீடு போன்­ற­வற்­றுக்­கான சலு­கை­யை­யும் பயன்­ப­டுத்­திக்­கொள்­ள­லாம். சரி­யான வரி சேமிப்பு திட்­ட­மி­டல் வாயி­லாக, வரு­மான வரிச்­ச­லு­கையை முழு­வ­து­மாக பெறு­வது சாத்­தி­யம்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 10,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 10,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 10,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 10,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 10,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்