பதிவு செய்த நாள்
13 மார்2020
23:46
புதுடில்லி:கடந்த பிப்ரவரி மாதத்தில், வாகன விற்பனை, 19.08 சதவீதம் சரிந்துள்ளதாக, இந்திய மோட்டார் வாகன தயாரிப்பாளர்கள் கூட்டமைப்பு தெரிவித்துள்ளது.
இது குறித்து, இவ்வமைப்பு மேலும் தெரிவித்துள்ளதாவது:கடந்த பிப்ரவரி மாதத்தில், மொத்தம், 16.46 லட்சம் வாகனங்கள் விற்பனை ஆகியுள்ளன. கடந்த ஆண்டில் இதே மாதத்தில், 20.35 லட்சம் வாகனங்கள் விற்பனை ஆகியிருந்தன.
பொருளாதார மந்தநிலை தொடர்வதால் ஏற்பட்ட தேவை குறைவு மற்றும் ‘பாரத் ஸ்டேஜ் – 6’ மாற்றம் காரணமாக ஏற்பட்ட வினியோக பாதிப்பு ஆகியவற்றால், இந்த விற்பனை குறைவு ஏற்பட்டுள்ளது.
மேலும், சீனாவிலிருந்து வாகனங்களுக்கான பாகங்கள் வருவதில் ஏற்பட்ட சிக்கல்களால், வாகன தயாரிப்பு திட்டத்தில் பாதிப்பு ஏற்பட்டுள்ளது.உள்நாட்டு பயணியர் வாகனங்களை பொறுத்தவரை, பிப்ரவரி மாதத்தில், 7.61 சதவீதம் சரிவு ஏற்பட்டுள்ளது.
கடந்த ஆண்டு பிப்ரவரியில், 2.72 லட்சம் வாகனங்கள் விற்பனை ஆகியிருந்த நிலையில், நடப்பாண்டு பிப்ரவரியில், 2.52 லட்சம் வாகனங்கள் மட்டுமே விற்பனை ஆகியுள்ளன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|