மும்பை:ரிசர்வ் வங்கி, குறுகிய கால கடன்களுக்கு விதிக்கும், ‘ரெப்போ’ வட்டி விகிதத்தில் எந்த மாற்றமும் செய்யவில்லை என அறிவித்துள்ளது.

ரிசர்வ் வங்கியின் கவர்னர் சக்திகாந்த தாஸ் தலைமையில், 6 உறுப்பினர்களை கொண்ட, நிதிக் கொள்கை கூட்டம் கடந்த, 5ம் தேதியன்று துவங்கியது. இரண்டு மாதங்களுக்கு ஒரு முறை நடைபெறும் இந்த கூட்டத்தின் முடிவுகள், இன்று அறிவிக்கப்பட்டுள்ளன.ரிசர்வ் வங்கியின், ‘ரெப்போ’ வட்டி விகிதம், 4 சதவீதம் என்பதில் எந்த மாற்றமும் தற்போது மேற்கொள்ளப்படவில்லை. அதனால், 4 சதவீத வட்டி என்பதே தொடரும்.

மேலும், ‘ரிவர்ஸ் ரெப்போ’ வட்டி விகிதமும், 3.35 சதவீதமாகவே தொடரும்.நிதிக் கொள்கை கூட்டத்தின் முக்கிய அம்சங்கள்:

* ‘ரெப்போ’ வட்டி விகிதம் மாற்றப்படவில்லை. 4 சதவீதமாகவே தொடரும்

* நடப்பு நிதியாண்டில், நாட்டின் உள்நாட்டு உற்பத்தி வளர்ச்சி, 10.5 சதவீதமாக இருக்கும் என எதிர்பார்க்கப்படுகிறது

* பணவீக்கத்தை பொறுத்தவரை, நிர்ணயிக்கப்பட்ட இலக்கு பராமரிக்கப்படும்

* கொரோனா பரவல் தற்போது அதிகரித்து வருவது, பொருளாதார மீட்சியில், நிச்சயமற்ற நிலையை ஏற்படுத்தி இருக்கிறது. கொரோனா பரவலில் அதிக கவனம் செலுத்தப்படும்

* கடந்த நிதியாண்டின் மார்ச் காலாண்டில், சில்லரை விலை பணவீக்கம், 5 சதவீதமாக இருக்கும் என மாற்றி கணிக்கப்பட்டுள்ளது

* பணவீக்க விகித இலக்கை, அடுத்த, 5 ஆண்டுகளுக்கு, 4 சதவீதமாக பராமரிக்கும்படி அரசு அறிவித்துள்ளது. இதில் 2 சதவீதம் கூடுதலாகவோ அல்லது குறைவாகவோ இருக்கலாம் என்றும் தெரிவிக்கப்பட்டுள்ளது

* உற்பத்தித் துறைகளுக்கு தேவையான கடன் கிடைப்பதற்காக, போதுமான பணப்புழக்கம் உறுதி செய்யப்படும்

* ‘பேமென்ட்’ வங்கிகளின் தனிப்பட்ட வாடிக்கையாளர்களுக்கு, நாள் முடிவில், அதிகபட்ச இருப்பு வரம்பை, 1 லட்சம் ரூபாயிலிருந்து, 2 லட்சம் ரூபாய் என அதிகரிக்கப்படுகிறது

* வங்கிகளின் வாராக் கடன் சம்பந்தமான, சொத்து புனரமைப்பு நிறுவனங்களின் செயல்பாடுகள் குறித்து விரிவான ஆய்வு செய்ய ஒரு குழு அமைக்கப்படும்.

நீடித்த வளர்ச்சியை தக்க வைத்துக்கொள்ளவும், நாட்டின் பொருளாதாரத்தில் கொரோனா தொற்றின் தாக்கத்தை குறைக்கவும் ஏதுவாக, வட்டி விகிதத்தில் எந்த மாற்றத்தையும் மேற்கொள்வதில்லை என ஒரு மனதாக முடிவு செய்யப்பட்டது. அதேசமயம், பணவீக்கம் நிர்ணயிக்கப்பட்டிருக்கும் இலக்கிற்குள் இருப்பதும் உறுதி செய்யப்படும்.

சக்திகாந்த தாஸ்

கவர்னர், ரிசர்வ் வங்கி

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 07,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 07,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 07,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 07,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 07,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்