புதுடில்லி:குடியிருப்பு மனைகளின் விலை, ஆண்டுதோறும், சராசரியாக 7 சதவீதம் அதிகரித்து வருவதாக, ரியல் எஸ்டேட் இணையதளமான ‘ஹவுஸிங் டாட் காம்’ தெரிவித்துள்ளது.
இது குறித்து மேலும் தெரிவித்துள்ளதாவது:நாட்டில் உள்ள முக்கியமான எட்டு நகரங்களில், கடந்த 2015ம் ஆண்டிலிருந்து, குடியிருப்பு மனைகளின் விலை, ஆண்டுதோறும் சராசரியாக 7 சதவீதம் உயர்ந்துள்ளது. அதேசமயம், அடுக்குமாடி குடியிருப்புகளின் விலை 2 சதவீத அளவுக்கே அதிகரித்துள்ளது.
முதலீடு என்பதை பொறுத்தவரை, அடுக்குமாடி குடியிருப்புகளில் செய்வதை விட, குடியிருப்பு மனைகளில் செய்யப்படுவது, அதிக லாபம் தருவதாக, தொடர்ந்து இருந்து வருகிறது. வீட்டு மனைகள், கடந்த 2015ம் ஆண்டிலிருந்து அதிக மூலதன வருவாயை ஈட்டி தருவதாக உள்ளது.
மேலும், கொரோனா பாதிப்புகளுக்கு பின், அடுக்குமாடி குடியிருப்புகளை விட, தனிப்பட்ட வீடுகளுக்கான தேவை அதிகரித்து வருகிறது. ஆனால், பெரிய நகரங்களில் இத்தகைய இடங்கள் அதிகம் இல்லை.அதேசமயம் பாதுகாப்பு, பொது வசதிகள் ஆகியவற்றுக்கான வாய்ப்பு, அடுக்குமாடி குடியிருப்புகளில் இருப்பதால், பெரும்பாலானோர் அதை விரும்புகின்றனர்.
சென்னை உள்ளிட்ட தென்பகுதியில் உள்ள மாநிலங்களில், 2018ம் ஆண்டுக்கு பின், குடியிருப்பு மனைகளின் விலை, இரட்டை இலக்க வளர்ச்சி கண்டுள்ளது.ஆனால், அடுக்குமாடி குடியிருப்புகளின் விலை 2 முதல் 6 சதவீதம் அளவுக்கே வளர்ச்சி பெற்றுள்ளது.இவ்வாறு தெரிவிக்கப்பட்டுள்ளது.

மேலும் ரியல் எஸ்டேட் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 12,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 12,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 12,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 12,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 12,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்