பதிவு செய்த நாள்
26 மார்2011
11:52
ஆமதாபாத் : இந்தியா மட்டுமல்லாது சர்வதேச அளவில் இசை உபகரணங்கள் வர்த்தகத்தில் முன்னணியில் உள்ள யமஹா மியூசிக் இந்தியா லிமிடெட் நிறுவனம், 2011-12ம் ஆண்டில் வர்த்தகத்தை 20 முதல் 30 சதவீதம் வரை உயர்த்த திட்டமிட்டிருப்பதாக தெரிவிக்கப்பட்டுள்ளது. இதுதொடர்பாக, பத்திரிகையாளர்களை சந்தித்த யமஹா மியூசிக் இந்தியா லிமிடெட் நிறுவன உயர் அதிகாரி சின்சுகே மிசுமி கூறியதாவது, தங்களது நிறுவன தயாரிப்பான யமஹா இசை உபகரணங்கள், இந்திய மக்களிடையே மட்டுமல்லாது, சர்வதேச அளவில் புகழ் பெற்றது என்றும், மக்களிடையே தங்களுக்கு உள்ள நன்மதிப்பை பயன்படுத்தி இந்தியாவில் வர்த்தகத்தை விரிவுபடுத்த திட்டமிட்டுள்ளோம். இந்தியாவில், தற்போதைய அளவில் 14 இடங்களில் விற்பனை மையங்களை வைத்து வர்த்தகத்தை மேற்கொண்டு வருகிறோம், விரைவில் விற்பனை மையங்களை 20 ஆக உயர்த்த திட்டமிட்டுள்ளோம். இதன்காரணமாக, நிறுவன வர்த்தகத்தை 2011-12ம் நிதியாண்டில் 20 முதல் 30 சதவீதம் வரை உயர்த்த இலக்கு நிர்ணயிக்கப்பட்டிருப்பதாக அவர் தெரிவித்தார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|