பதிவு செய்த நாள்
07 மே2011
00:09
புதுடில்லி: -நடப்பு நிதியாண்டின், ஏப்ரல் 1-15ம் தேதி வரையிலான விளைபொருள் முன்பேர வர்த்தக சந்தைகளின் வர்த்தகம், 91 சதவீதம் வளர்ச்சி கண்டுள்ளது என, முன்பேர சந்தைகள் ஆணையம் தெரிவித்துள்ளது. தங்கம், வெள்ளி, சோயா எண்ணெய், கச்சா எண்ணெய், உ@லாகம், வேளாண் பொருள்கள் மீதான முன்பேர வர்த்தகத்தில், எம்.சி.எக்ஸ்,என்.சி.டீ.ஈ.எக்ஸ் உள்ளிட்ட பல்வேறு நிறுவனங்கள் @மற்கொண்டு வருகின்றன. நடப்பு நிதியாண்டின் ஏப்ரல் 1-15ம் தேதி வரை, விளைபொருள் முன்பேர வர்த்தக சந்தைகளின் வர்த்தகம், 5 லட்சத்து 93 ஆயிரத்து 198 கோடி ரூபாயாக உயர்ந்துள்ளது. இது, கடந்தாண்டின் இதே காலத்தில் மேற்கொள்ளப்பட்ட வர்த்தகத்தை விட, 91 சதவீதம் (3 லட்சத்து 9 ஆயிரத்து 291 கோடி ரூபாய்) அதிகம். தங்கம், வெள்ளி உள்ளிட்ட உலோகங்கள் மற்றும் வேளாண் பொருள்கள் மீது, அதிகளவில் வியாபாரம் நடைபெற்றுள்ளதால், மொத்த வர்த்தகம் அதிகரித்துள்ளது என, ஆணையம் தெரிவித்துள்ளது. சென்ற ஏப்ரல் 1-15ம் தேதி வரை, தங்கம் மற்றும் வெள்ளி ஆகியவற்றின் மீது, 3 லட்சத்து 29 ஆயிரத்து 216 கோடி ரூபாய்க்கு வர்த்தகம் நடைபெற்றுள்ளது. இது, கடந்த ஆண்டின் இதே காலத்தில், 1 லட்சத்து 20 ஆயிரத்து 900 கோடி ரூபாயாக இருந்தது.இவை தவிர, தாமிரம் மற்றும் ஈயம் ஆகியவற்றின் மீது 1 லட்சத்து 8 ஆயிரத்து 831 கோடி ரூபாய்க்கு வர்த்தகம் மேற்கொள்ளப்பட்டுள்ளது. இது, இதற்கு முந்தைய ஆண்டின் இதே காலத்தை விட, 27 சதவீதம் (85 ஆயிரத்து 862 கோடி ரூபாய்) அதிகம். எரிசக்தி பொருள்கள் மீது, 90 ஆயிரத்து 468 கோடி ரூபாய்க்கு, வர்த்தகம் நடைபெற்றுள்ளது. இது, இதற்கு முந்தைய ஆண்டின் இதே காலத்தை விட, 46 சதவீதம் (62 ஆயிரத்து 9 கோடி ரூபாய்) அதிகம்.வேளாண் பொருள்கள் மீது, 64 ஆயிரத்து 681 கோடி ரூபாய்க்கு வர்த்தகம் நடைபெற்றுள்ளது. இது, இதற்குமுந்தைய ஆண்டின் இதே காலத்தை விட, 60 சதவீதம் (40 ஆயிரத்து 520 கோடி ரூபாய்) உயர்வாகும்.நடப்பாண்டு ஏப்ரல் 1-15ம் தேதி வரையிலான காலத்தில், விளைபொருள் முன்பேர வர்த்தகத்தில் ஈடுபட்டுள்ள நிறுவனங்களில், எம்.சி.எக்ஸ். நிறுவனம் 5 லட்சத்து 18 ஆயிரத்து 986 கோடி ரூபாய்க்கு வர்த்தகம் செய்துள்ளது.இதை தொடர்ந்து, ஐ.சி.இ.எக்ஸ். நிறுவனம், 8,203 கோடி ரூபாய்க்கும், என்.சி.டி.இ.எக்ஸ். நிறுவனம் 56 ஆயிரத்து 923 கோடி ரூபாய்க்கும், என்.எம்.சி.இ. நிறுவனம் 3,656 கோடி ரூபாய் அளவிற்கும் வர்த்தகம் புரிந்துள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|