கொச்சி: ஈமு கோழி வளர்ப்பில் நாடு முழுவதுமாக ஆர்வம் அதிகரிக்கத் தொடங்கியுள்ளது. சீரான முன்னேற்றப் பாதையில் சென்று கொண்டிருக்கும் இந்த தொழில் அண்மைக் காலம் வரை தமிழகம், ஆந்திரா ஆகிய தென்மாநிலங்களிலும், மகாராஷ்டிராவிலும் தான் பிரபலமாக இருந்தது. இப்போது இது வடமாநிலங்களிலும் முக்கியத்துவம் பெறத் தொடங்கியுள்ளது. பஞ்சாப், குஜராத், அரியானா உள்ளிட்ட பல மாநிலங்களில் ஈமு கோழிப் பண்ணைகள் உருவாகத் தொடங்கியுள்ளன. ஈமு கோழியின் உடல் பாகங்கள் அனைத்தும் முழுமையாக வர்த்தக மதிப்பு கொண்டவையாக உள்ளன. இறைச்சி, முட்டை, எண்ணெய், தோல், எலும்பு அனைத்துமே தனித்தனி பயனைக் கொண்டுள்ளன. இதனாலும், முட்டைகளுக்கும், குஞ்சுகளுக்கும் நல்ல விலை கிடைப்பதாலும் ஏராளமானோர் இத்தொழிலில் ஈடுபடத் தொடங்கியுள்ளனர். ஈமு கோழி வளர்ப்புத் துறையில் ஆந்திர மாநிலத்தைச் சேர்ந்த கோல்டன் ஈமு ஃபார்ம்ஸ் என்ற நிறுவனம் முதலிடத்தில் உள்ளது. நாடு முழுவதுமாக இந்நிறுவனம் 2,000-த்துக்கு மேற்பட்ட ஈமு பண்ணைகளைக் கொண்டுள்ளது. இந்தப் பண்ணைகளில் சுமார் 5 லட்சம் ஈமு கோழிகள் வளர்க்கப்படுகின்றன. வழக்கமான இறைச்சி, முட்டை விற்பனையுடன் தற்போது இந்நிறுவனம் சோதனை அடிப்படையில் பதப்படுத்தப்பட்ட இறைச்சி மற்றும் எண்ணெயையும் விற்பனை செய்ய தொடங்கியுள்ளது. ஈமு கோழியிலிருந்து கிடைக்கும் எண்ணெய் பல்வேறு அழகு சாதனப் பொருள்கள் தயாரிப்பில் பயன்படுத்தப்படுகிறது. குஜராத் மாநிலத்திலிருந்து அதிக அளவு எண்ணெய் வாங்கப்படுகிறது என இந்நிறுவனத்தின் இயக்குனர் முசாஃபர் அலி தெரிவித்தார். அடுத்த சில ஆண்டுகளில் வளர்க்கும் கோழிகளின் எண்ணிக்கையை பன்மடங்கு அதிகரிக்கத் திட்டமிட்டுள்ளதாக அவர் மேலும் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 18,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 18,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 18,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 18,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 18,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்