பதிவு செய்த நாள்
07 ஜூலை2011
00:16
ஐ.டீ.பீ.ஐ பெடரல் ஐ.டீ.பீ.ஐ பெடரல் லைப் இன்சூரன்ஸ் நிறுவனம், மூத்த குடிமக்களுக்கென்று பிரத்யேகமாக 'டெர்ம்சூரன்ஸ் சீனியர்ஸ்' என்ற காப்பீட்டு திட்டத்தை அறிமுகம் செய்துள்ளது. மருத்துவ பரிசோதனை இல்லாமல், இந்த காப்பீட்டு திட்டத்தில் 50 - 85 வயதுக்குட்பட்டவர்கள் சேரலாம். குறைந்தபட்சம் மாதம் ரூ.100 பிரிமியம் செலுத்தும் வசதியுள்ள இத்திட்டம், வரிச்சலுகைக்கு உட்பட்டது. --------------------- என்.ஐ.ஐ.டி. நிறுவனம் இந்நிறுவனம், தகவல் தொழில்நுட்பத் துறையில், பணி சார்ந்த கல்வி பயிற்சியை வழங்கும் நோக்கில், ஐ.பீ.எம் நிறுவனத்துடன் ஒப்பந்தம் செய்துள்ளது. இதன் மூலம், ஐ.பீ.எம் வழங்கும் பணி சார்ந்த திட்டங்களில், பயிற்சி மேற்கொள்ளும் வாய்ப்பு என்.ஐ.ஐ.டி மாணவர்களுக்கு கிடைக்கும். பயிற்சியை சிறப்பாக முடித்த மாணவர்களுக்கு ஐ.பீ.எம் சான்றிதழ் வழங்கப்படும். இதனால், அவர்கள் சுலபமாக வேலைவாய்ப்பை பெற முடியும். ------------- எல் அண்டு டி பைனான்ஸ் லார்சன் அண்டு டூப்ரோ குழுமத்தைச் சேர்ந்த, எல் அண்டு டி பைனான்ஸ் நிறுவனம், பொதுமக்களுக்கு பங்குகளை வெளியிட்டு மூலதனச் சந்தையில் களமிறங்க முடிவு செய்துள்ளது. இதன் வாயிலாக, 1,750 கோடி ரூபாய் திரட்ட உள்ளது. இப்புதிய பங்கு வெளியீடு, வரும் 19ம் தேதி தொடங்க உள்ளதாக தகவல் வெளியாகி உள்ளது. ------------------ ஆடி இந்தியா நிறுவனம் ஜெர்மனியை சேர்ந்த ஆடி நிறுவனம், சொகுசு கார்கள் தயாரிப்பில் ஈடுபட்டு வருகிறது. இதன் துணை நிறுவனமான ஆடி இந்தியா,சென்ற ஜூன் மாதம் வரையிலான, முதல் ஆறு மாதங்களில், 2,802 கார்களை விற்பனை செய்துள்ளது. இந்த எண்ணிக்கை, கடந்த ஆண்டு இதே ஆறு மாத காலத்தில், 1,400 ஆக இருந்தது. ஆக, இந்நிறுவனத்தின் கார்கள் விற்பனை சென்ற ஆண்டை விட, 100 சதவீதம் அதிகரித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|